| ಉಡುಪಿ ಆ.11(ಉಡುಪಿ ಟೈಮ್ಸ್ ವರದಿ): ಲಯನ್ಸ್ ಕ್ಲಬ್ ಉಡುಪಿ ಸಂಗಮ ಇದರ ನೂತನ ಅಧ್ಯಕ್ಷರಾಗಿ ಆಯ್ಕೆಯಾದ ಲ. ಪ್ರಭಾಕರ ಶೆಟ್ಟಿ ಅವರ ಪದಗ್ರಹಣ ಸಮಾರಂಭ ಬಲೈಪಾದೆಯ ನಿತ್ಯಾನಂದ ಅರ್ಕೆಡ್ ನಲ್ಲಿ ನಡೆಯಿತು.
ಕಾರ್ಯಕ್ರದಲ್ಲಿ ಪದಗ್ರಹಣ ಅಧಿಕಾರಿ ಲ.ಮಹಮ್ಮದ್ ಹನೀಫ್ ಎಂ.ಜೆ.ಎಫ್ ಅವರು 2021-22 ನೇ ಸಾಲಿನ ನೂತನ ಪದಾಧಿಕಾರಿಗಳಿಗೆ ಪಪ್ರಧಾನ ಮಾಡಿದರು. ಈ ವೇಳೆ ಪದಗ್ರಹಣ ಅಧಿಕಾರಿ ಮಹಮ್ಮದ್ ಹನೀಫ್ ಅವರು ಮಾತನಾಡಿ, ಮನೆಯಲ್ಲಿ ಹಿರಿಯರು ಇದ್ದ ಹಾಗೆ ಸಂಸ್ಥೆಯಲ್ಲಿ ಹಿರಿಯರು ಇದ್ದರೆ ಆ ಸಂಸ್ಥೆ ವ್ಯವಸ್ಥಿತವಾಗಿ ಕೆಲಸ ಕಾರ್ಯಗಳನ್ನು ಮಾಡಿಕೊಂಡು ಸಮಾಜದಲ್ಲಿ ಉತ್ತಮ ಹೆಸರು ಗಳಿಸುತ್ತದೆಅದೇ ರೀತಿ ಉಡುಪಿ ಸಂಗಮದಲ್ಲಿರುವ ಹಿರಿಯ ಸದಸ್ಯರಿಂದಾಗಿ ಕ್ಲಬ್ ಉತ್ತಮವಾಗಿ ಮೂಡಿ ಬಂದಿದೆ.
ಕ್ಲಬ್ ನಲ್ಲಿ ಪ್ರತಿಭಾವಂತ ವ್ಯಕ್ತಿಗಳು ಇದ್ದಾರೆ ಆದ್ದರಿಂದ ಉಡುಪಿ ಸಂಗಮಕ್ಕೆ ಉತ್ತಮ ಹೆಸರಿದೆ. ಇನ್ನು ಮುಂದಿನ ದಿನಗಳಲ್ಲಿಯೂ ಉಡುಪಿ ಸಂಗಮ ಈ ಹಿಂದಿನಂತೆ ಉತ್ತಮ ಕೆಲಸಗಳನ್ನು ಮಾಡುವ ಮೂಲಕ ಮುಂಚೂಣಿಯಲ್ಲಿ ಇರಬೇಕು ಎಂದು ಶುಭ ಹಾರೈಸಿದರು.
ಈ ಸಂದರ್ಭದಲ್ಲಿ ಝೋನ್ ಚೇರ್ ಮ್ಯಾನ್ ಲ. ವಾದಿರಾಜ ರಾವ್, ಲ. ಅಶೋಕ್ ಶೆಟ್ಟಿಗಾರ್, ನೂತನ ಅಧ್ಯಕ್ಷ ಲ. ಪ್ರಭಾಕರ ಶೆಟ್ಟಿ, ಕಾರ್ಯದರ್ಶಿ ಲ. ಸುಧಾಕರ ನಾಯಕ್, ಲ. ಪ್ರಮೋದ್ ಕುಮಾರ್ ಹಾಗೂ ಪದ್ಮನಾಭ ಶೇರಿಗಾರ್, ಸವಿತಾ ಸುಧಾಕರ್ ನಾಯಕ್, ಮಮತ ಶೆಟ್ಟಿಗಾರ್, ಸಿದ್ದರಾಜು, ಜಯರಾಮ್ ಆಚಾರ್ ಹಾಗೂ ಉಡುಪಿ ಸಂಗಮದ ಸರ್ವ ಸದಸ್ಯರು ಉಪಸ್ಥಿತರಿದ್ದರು. | |
