ಕಾರ್ಕಳ: ಪಿಡಿಒಗೆ ಕೊರೊನಾ ಸೋಂಕು, ಉಡುಪಿಯ ಮನೆ ಸಿಲ್ ಡೌನ್

ಕಾರ್ಕಳ: (ಉಡುಪಿ ಟೈಮ್ಸ್ ವರದಿ)ತಾಲೂಕಿನ ಗ್ರಾಮ ಪಂಚಾಯತ್ ಒಂದರ ಮಹಿಳಾ ಪಿಡಿಒಗೆ ಕೊರೊನಾ ಸೋಂಕು ತಗಲಿದ್ದು, ಆಕೆ ವಾಸಿಸುತ್ತಿದ್ದ ಮನೆಯನ್ನು ಸಿಲ್ ಡೌನ್ ಮಾಡಲಾಗಿದೆ.

ಕೊರೊನಾ ಸೋಂಕು ಹರಡದಂತೆ ಜನರಲ್ಲಿ ತಿಳುವಳಿಕೆಯನ್ನು ಅತ್ಯಂತ ಯಶಸ್ವಿಯಾಗಿ ನೀಡುತ್ತಿದ್ದ ಮಹಿಳಾ ಅಧಿಕಾರಿಗೆ ಸೋಂಕು ತಗಲಿರುವುದು ಆಶ್ಚರ್ಯವಾಗಿದೆ, ಇವರು ಕ್ವಾರಂಟೈನ್ ಕೇಂದ್ರಗಳಲ್ಲಿ ಅತ್ಯುತ್ತಮವಾಗಿ ಕೆಲಸ ನಿರ್ವಹಿಸುತ್ತಿದ್ದರೆಂದು ಆರೋಗ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.

ಸದ್ಯ ಇವರು ವಾಸಿಸುತ್ತಿದ್ದ ಉಡುಪಿ ಸಗ್ರಿಯ ವಸತಿ ಸಮುಚ್ಚಯನ್ನು ಸಿಲ್ ಡೌನ್ ಮಾಡಲಾಗಿದೆ.