ಹಿರಿಯಡ್ಕ: ಗುಡ್ಡೆದ ಭೂತದಿಂದ ಹಿಂದಿರುಗಿ ಬರುತ್ತಿದ್ದ ವ್ಯಕ್ತಿ ಮೃತ್ಯು

ಹಿರಿಯಡ್ಕ ಜೂ.28 (ಉಡುಪಿ ಟೈಮ್ಸ್ ವರದಿ): ಅಸ್ವಸ್ಥ ಗೊಂಡಿದ್ದ ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ಹಿರಿಯಡ್ಕದಲ್ಲಿ ನಡೆದಿದೆ.

ಪ್ರಕಾಶ ಶೆಟ್ಟಿ (46) ಮೃತಪಟ್ಟವರು. ಇವರು ವಿಪರೀತ ಕುಡಿತದ ಅಭ್ಯಾಸ ಹೊಂದಿದ್ದು ಜೂ.27 ರಂದು ಬಣ್ಣಂಪಳ್ಳಿಯಲ್ಲಿ ಗುಡ್ಡೆದ ಭೂತಕ್ಕೆ ಹೋದವರು ಅಲ್ಲಿ ವಿಪರೀತ ಕುಡಿದು ಮನೆಗೆ ಬರಲು ದಾರಿ ತಪ್ಪಿ ಹರೀಶ ಹೆಗ್ಡೆ ರವರ ಮನೆಯ ಹಿಂಬದಿ ಯಲ್ಲಿರುವ ಅಡಿಕೆ ತೋಟದಿಂದ ಬರುತ್ತಿರುವಾಗ ಆಕಸ್ಮತ್ತಾಗಿ ಕಾಲು ಜಾರಿ ಅಥವಾ ಎಡವಿ ಬಿದ್ದಿದ್ದಾರೆ, ಪರಿಣಾಮ ಕಣ್ಣಿನ ಬಳಿ ಗಾಯವಾದ ಕಾರಣ ರಕ್ತ ಸ್ರಾವವಾಗಿ ಅಥವಾ ಒಳಪೆಟ್ಟಿನಿಂದಾಗಿ ಮೃತಪಟ್ಟಿರಬಹುದು ಅಥವಾ ಬೀಳುವಾಗ ಹೃದಯಾಘಾತ ವಾಗಿರಬಹುದೆಂದು ಹಿರಿಯಡ್ಕ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.