ರೋಟರಿ 3182 ವಲಯ 5ರ ಅಸಿಸ್ಟೆಂಟ್ ಗವರ್ನರ್ ಆಗಿ ನವೀನ್ ಅಮೀನ್

ಉಡುಪಿ : ಉಡುಪಿ, ಶಿವಮೊಗ್ಗ, ಚಿಕ್ಕಮಗಳೂರು, ಹಾಸನ ಜಿಲ್ಲೆಗಳನ್ನು ಒಳಗೊಂಡ ರೋಟರಿ ಜಿಲ್ಲೆ 3182 ವಲಯ 5ರ ಅಸಿಸ್ಟೆಂಟ್ ಗವರ್ನರ್ ಆಗಿ ಶಂಕರಪುರ ರೋಟರಿಯ ಪೂರ್ವಾಧ್ಯಕ್ಷ ನವೀನ್ ಅಮೀನ್ ಶಂಕರಪುರ ಅವರನ್ನು 20-21ನೇ ಸಾಲಿನ ಗವರ್ನರ್ ರಾಜಾರಾಮ್ ಭಟ್ ನೇಮಿಸಿದ್ದಾರೆ.

ಮಾಜಿ ತಾಲೂಕ್ ಪಂಚಾಯತ್ ಸದಸ್ಯರಾಗಿರುವ ನವೀನ್ ಅಮೀನ್ ಅವರಿಗೆ, ವಲಯ 5ರ ಕ್ಲಬ್ಗಳಾದ ಕಾರ್ಕಳ, ಕಾರ್ಕಳ ಸಿಟಿ, ನಿಟ್ಟೆ, ಬೆಳ್ಮಣ್, ಶಿರ್ವ, ಶಂಕರಪುರ, ಮಣಿಪುರ, ಕಾಪು, ಉಚ್ಚಿಲ ಪಡುಬಿದ್ರಿ ಒಟ್ಟು 10 ಕ್ಲಬ್ ನ ಉಸ್ತುವಾರಿಯನ್ನು ನೀಡಲಾಗಿದೆ. 

ಶಂಕರಪುರದ ಪ್ರತಿಷ್ಠಿತ ಫ್ರೆಂಡ್ಸ್ ಕೇಟರರ್ಸ್ ನ ಮಾಲಕರಾಗಿರುವ ನವೀನ್ ಅಮೀನ್, ಜೇಸಿಐ ಸಹಿತ ಸಾಮಾಜಿಕ ಧಾರ್ಮಿಕ ಸಂಘ ಸಂಸ್ಥೆಗಳಲ್ಲಿ ಸೇವೆಯನ್ನು ಸಲ್ಲಿಸುತ್ತಿದ್ದಾರೆ. ಉಡುಪಿಯ ಸನ್ನಿಧಿ ಕಲಾವಿದರು ಸಹಿತ ಹಲವಾರು ನಾಟಕ ತಂಡಗಳಿಗೆ ಪ್ರೋತ್ಸಾಹ ನೀಡುತ್ತಿರುವ ನವೀನ ಅಮೀನ್, ಉಡುಪಿ ಜಿಲ್ಲಾ ಜನಜಾಗೃತಿ ವೇದಿಕೆಯ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸುತ್ತಿದ್ದಾರೆ.