ಕಾರ್ಕಡ ಗೆಳೆಯರ ಬಳಗದ ವತಿಯಿಂದ ಶಿವರಾಮ್ ಕೆ ಶ್ರದ್ಧಾಂಜಲಿ ಆಯೋಜನೆ

ಕೋಟ(ಉಡುಪಿ ಟೈಮ್ಸ್ ವರದಿ):ಇತ್ತೀಚಿಗೆ ನಿಧನ ಹೊಂದಿದ ಕಾರ್ಕಡ ಗೆಳೆಯರ ಬಳಗದ ಮಾಜಿ ಕಾರ್ಯದರ್ಶಿ, ಕೋಟ ಸಹಕಾರಿ ಸಂಘದ ಸಾಲಿಗ್ರಾಮ ಶಾಖೆಯ ಪ್ರಭಂಧಕ ಶಿವರಾಮ್ ಕೆ ಇವರಿಗೆ ಶ್ರದ್ಧಾಂಜಲಿ ಸಭೆ ಇತ್ತೀಚಿಗೆ ಕಾರ್ಕಡ ಸರಕಾರಿ ಹಿರಿಯ ಪ್ರಾಥಮಿಕ ಶಾಲಾ ಸಭಾಂಗಣದಲ್ಲಿ ಗೆಳೆಯರ ಬಳಗದ ವತಿಯಿಂದ ಆಯೋಜಿಸಲಾಯಿತು.

ಕಾರ್ಯಕ್ರಮದಲ್ಲಿ ಶಿವರಾಮ್ ಕೆ ಇವರ ಭಾವಚಿತ್ರಕ್ಕೆ ಪುಷ್ಭನಮನ ಗೈದು ಮಾತನಾಡಿದ ಕೋಟ ವಿವೇಕ ವಿದ್ಯಾಸಂಸ್ಥೆಯ ಪ್ರಾಂಶುಪಾಲ ಕೆ.ಜಗದೀಶ್ ನಾವಡ ಸರಳತೆಯ ಸಾಕಾರಮೂರ್ತಿಯಾಗಿ ,ಕಲಾವಿದನಾಗಿ,ಆದರ್ಶ ವ್ಯಕ್ತಿತ್ವ ರೂಪಿಸಿಕೊಂಡ ಒರ್ವ ಸಾಧಕ ಶಕ್ತಿ ಇಂದು ನಮ್ಮೊಡನಿಲ್ಲ ಎನ್ನುವ ಕೊರಗು ಬಿಟ್ಟರೂ ಅವರ ಶಿಸ್ತು,ಆದರ್ಶ ಮರೆಯಾಗದು, ಗೆಳೆಯರಬಳಗಕ್ಕೆ ಅವಿನಾಭಾವ ಸಂಬಂಧ ಬೆಸೆದು ನಿರಂತರವಾಗಿ ಕಾರ್ಯನಿರ್ವಹಣೆ ಇತರರಿಗೆ ಪ್ರೇರಣೆಯೇ ಸರಿ,ಅಜಾತಶತ್ರುವಾಗಿ ತನ್ನ ಸಹಕಾರಿ ಸಂಘದಲ್ಲಿ ಶಿಸ್ತುಬದ್ಧ ಕಾರ್ಯನಿರ್ವಹಣೆ ಜನಮೆಚ್ಚುಗೆ ಗಳಿಸಿದೆ ಇಂತಹ ದಿವ್ಯಶಕ್ತಿ ಮರೆಯಾಗಿದ್ದು ನೋವಿನ ವಿಚಾರವಾಗಿದೆ ಎಂದು ಅಭಿಪ್ರಾಯ ಪಟ್ಟರು.

ಕೋಟ ಸಹಕಾರಿ ಸಂಘದ ಅಧ್ಯಕ್ಷ ಜಿ.ತಿಮ್ಮ ಪೂಜಾರಿ,ಸಾಲಿಗ್ರಾಮ ಪಟ್ಟಣಪಂಚಾಯತ್ ಸದಸ್ಯ ಸಂಜೀವ ದೇವಾಡಿಗ,ಸರಕಾರಿ ಹಿರಿಯಪ್ರಾಥಮಿಕ ಶಾಲಾ ಮುಖ್ಯ ಶಿಕ್ಷಕ ಪ್ರಭಾಕರ್ ಕಾಮತ್,ಜನಜಾಗೃತಿ ವೇದಿಕೆಯ ಅಧ್ಯಕ್ಷ ಅಚ್ಯುತ್ ಪೂಜಾರಿ,ಕೋಟ ವಿವೇಕ ವಿದ್ಯಾಸಂಸ್ಥೆಯ ಉಪನ್ಯಾಸಕ ಸಂಜೀವ ಗುಂಡ್ಮಿ,ನಾಗರಾಜ್ ಉಪಾಧ್ಯ ,ನವಕಿರಣ್ ಸ್ಪೋರ್ಟ್ಸ್ ಕ್ಲಬ್ ಪ್ರಕಾಶ್ ಪೂಜಾರಿ,ಚಂದ್ರಶೇಖರ್ ಸೋಮಯಾಜಿ,ರಾಘವೇಂದ್ರ ಆಚಾರ್ಯ ,ಶ್ರೀಕಾಂತ್ ಐತಾಳ್,ರಘು ಭಂಡಾರಿ,ರಾಘವೇಂದ್ರ,ಶ್ರೀಪತಿ ಆಚಾರ್ಯ,ಉದಯ್ ಐತಾಳ್ ,ತಮಯ್ಯ, ಉಪಸ್ಥಿತರಿದ್ದರು. ಗೆಳೆಯರ ಬಳಗದ ಅಧ್ಯಕ್ಷ ಕೆ.ತಾರಾನಾಥ ಹೊಳ್ಳ ಪ್ರಾಸ್ತಾವನೆ ಸಲ್ಲಿಸಿದರು.ಬಳಗದ ಉಪಾಧ್ಯಕ್ಷ ಶಶಿಧರ ಮಯ್ಯ ಕಾರ್ಯಕ್ರಮ ನಿರ್ವಹಿಸಿದರು.ಜೊತೆಕಾರ್ಯದರ್ಶಿ ಜಗದೀಶ್ ಆಚಾರ್ಯ ವಂದನಾರ್ಪಣೆಗೈದರು.