ಮುದರಂಗಡಿ: ಟಿಪ್ಪರ್ ಕಳವು

ಪಡುಬಿದ್ರಿ ಜೂ.18(ಉಡುಪಿ ಟೈಮ್ಸ್ ವರದಿ): ನಿಲ್ಲಿಸಲಾಗಿದ್ದ ಟಿಪ್ಪರ್ ಒಂದನ್ನು ಯಾರೋ ಖದೀಮರು ಕಳವುಗೈದಿರುವ ಘಟನೆ ಸಾಂತೂರು ಗ್ರಾಮ ಮುದರಂಗಡಿಯ ಅಳುಂಬೆ ಎಂಬಲ್ಲಿ ನಡೆದಿದೆ.

ಮಂಗಳೂರಿನ ಗಂಜಿಮಠದ ಬಳಿ ನಡೆಯುತ್ತಿದ್ದ ರಸ್ತೆ ಕಾಮಗಾರಿಗೆ 5 ಟಿಪ್ಪರ್ ಹಾಗೂ 1 ಜೆ.ಸಿ.ಬಿ.ಯನ್ನು ಬಳಸಿದ್ದು ಸತತ ಮಳೆ ಕಾರಣ ಕಾಮಗಾರಿಗೆ ತಾತ್ಕಾಲಿಕ ತಡೆ ನೀಡಿ, ಅಳುಂಬೆಯಲ್ಲಿರುವ ಡಾಂಬಾರು ಪ್ಲಾಂಟ್‌‌ನ ಕಂಪೌಂಡ್‌‌ನ ಒಳಗಡೆ ನಿಲ್ಲಿಸಲಾಗಿತ್ತು. ಆದರೆ ಇದೀಗ ಅಲ್ಲಿ ನಿಲ್ಲಿಸಿದ 5 ಟಿಪ್ಪರುಗಳ ಪೈಕಿ KA-20-C-6741 ನಂಬರಿನ ಒಂದು ಟಿಪ್ಪರನ್ನು ಕಳ್ಳರು ಕದ್ದು ಪರಾರಿಯಾಗಿ ರುವುದು ತಿಳಿದು ಬಂದಿದೆ. ಕಳ್ಳರು ಕದ್ದಿರುವ ಟಿಪ್ಪರ್ ನ ಮೌಲ್ಯ 8 ಲಕ್ಷ ಎಂದು ಅಂದಾಜಿಸಲಾಗಿದೆ. ಈ ಬಗ್ಗೆ ಪಡುಬಿದ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.