ಕೋಟ: ತಾಮ್ರದ ಹಂಡೆ ಕಳವು
ಕೋಟ ಜೂ.12(ಉಡುಪಿ ಟೈಮ್ಸ್ ವರದಿ): ಯಾರು ಇಲ್ಲದೆ ವೇಳೆ ಮನೆಗೆ ನುಗ್ಗಿದ ಕಳ್ಳರು ವಸ್ತುಗಳನ್ನು ಕಳವು ಮಾಡಿರುವ ಘಟನೆ ಬ್ರಹ್ಮವಾರದ ಬನ್ನಾಡಿ ಗ್ರಾಮದಲ್ಲಿ ನಡೆದಿದೆ.
ಇಲ್ಲಿನ ಸಂತೋಷ ಕುಮಾರ ಶೆಟ್ಟಿ ಎಂಬವರ ಮನೆಯಲ್ಲಿ ಕಳ್ಳತನ ನಡೆದಿದ್ದು, ದುರಸ್ತಿ ಕಾರ್ಯ ನಡೆಯುತ್ತಿದ್ದ ಮನೆಗೆ ನುಗ್ಗಿದ ಕಳ್ಳರು ಮನೆಯ ಸ್ನಾನದ ಕೋಣೆಯಲ್ಲಿ ಇಟ್ಟಿದ್ದ ತಾಮ್ರದ ಹಂಡೆ ಹಾಗೂ ಹೊಸ ಮನೆಯನ್ನು ಕಟ್ಟಲು ತಂದಿಟ್ಟ ಮರದ ಹಲಗೆ ತುಂಡುಗಳನ್ನು ಕಳವು ಮಾಡಿ ಪರಾರಿಯಾಗಿದ್ದಾರೆ.
ಸಂತೋಷ್ ಕುಮಾರ್ ಶೆಟ್ಟಿ‌ಯವರು ಬನ್ನಾಡಿಯಲ್ಲಿರುವ ಹಳೆಯ ಮನೆಯು ರಿಪೇರಿ ಮಾಡಲಿರುವುದರಿಂದ ಚಿತ್ರಪಾಡಿಯ ಕಾರ್ತಟ್ಟುವಿನಲ್ಲಿ ಬಾಡಿಗೆ ಮನೆಯಲ್ಲಿ ಕುಟುಂಬದೊಂದಿಗೆ ವಾಸ ಮಾಡಿಕೊಂಡಿದ್ದರು. ಜೂ.10 ರಂದು ಎಂದಿನಂತೆ ಬೆಳಿಗ್ಗೆ ನಾಯಿಗೆ ಆಹಾರ ನೀಡಲು ಹೋದಾಗ ಮನೆಯಲ್ಲಿ ಕಳ್ಳತನ ನಡೆದಿರುವುದು ಕಂಡು ಬಂದಿದೆ. ಕಳ್ಳರು ಕದ್ದಿರುವ ತಾಮ್ರದ ಹಂಡೆಯ ಮೌಲ್ಯ 3000 ರೂ ಆಗಿದ್ದು ಹಾಗೂ ಮರದ ಹಲಗೆಯ ನಿಖರ ಮೌಲ್ಯ ತಿಳಿದಿರುವುದಿಲ್ಲ. ಈ ಬಗ್ಗೆ ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
