ವಾಮದಪದವು ಇನ್ಫೆಂಟ್ ಜೀಸಸ್ ಫ್ರೆಂಡ್ಸ್: ಆಹಾರ ಕಿಟ್ ವಿತರಣೆ
ಮೂಡುಬಿದಿರೆ (ಉಡುಪಿ ಟೈಮ್ಸ್ ವರದಿ): ಕೊರೋನಾ ಲಾಕ್ ಡೌನ್ ನಿಂದಾಗಿ ಸಂಕಷ್ಟದಲ್ಲಿರುವವರಿಗೆ ಇಲ್ಲಿನ ಇನ್ಫೆಂಟ್ ಜೀಸಸ್ ಫ್ರೆಂಡ್ಸ್ ವಾಮದಪದವು ವತಿಯಿಂದ ಅಕ್ಕಿ ಸಹಿತ ದಿನಬಳಕೆಯ ವಸ್ತುಗಳನ್ನು ವಿತರಿಸಲಾಯಿತು.
ಹಲವಾರು ಸಮಾಜಮುಖಿ ಕೆಲಸಗಳನ್ನು ನಡೆಸುತ್ತಿರುವ ಇನ್ಫೆಂಟ್ ಜೀಸಸ್ ಫ್ರೆಂಡ್ಸ್ ಸಂಸ್ಥೆ ಕಳೆದ ಬಾರಿಯೂ ಲಾಕ್ ಡೌನ್ ಸಮಯದಲ್ಲಿ ಸಂಕಷ್ಟಕ್ಕೊಳಗಾದ ಕುಟುಂಬಗಳಿಗೆ ದಿನಬಳಕೆಯ ವಸ್ತುಗಳನ್ನು ನೀಡಿತ್ತು. ಈ ಬಾರಿಯೂ ಪ್ರಸ್ತುತ ಬಹರೇನ್ ನಲ್ಲಿರುವ ರೊನಾಲ್ಡ್ ಫೆರ್ನಾಂಡಿಸ್ ವಾಮದಪದವು ಇವರು ಪ್ರಾಯೋಜಕತ್ವ ಮಾಡಿದ ಅಕ್ಕಿ ಸಹಿತ ದಿನಬಳಕೆಯ ವಸ್ತುಗಳನ್ನು ವಾಮದಪದವಿನ ಬಾಲಯೇಸು ದೇವಾಲಯದ ವಠಾರದಲ್ಲಿ ಅರ್ಹ ಕುಟುಂಬಗಳಿಗೆ ವಿತರಿಸಲಾಯಿತು.
ಬಾಲಯೇಸು ದೇವಾಲಯದ ಧರ್ಮಗುರು ವಂ. ಫಾ ಲಿಯೋ ವೇಗಸ್, ದಿನಬಳಕೆಯ ವಸ್ತುಗಳ ಹಸ್ತಾಂತರ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ, ಸಂಘಟನೆಯ ಸೇವಾಕಾರ್ಯಕ್ಕೆ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ಭಾರತಿ ರಾಜೇಂದ್ರ, ಸದಸ್ಯರಾದ ರಮಾನಂದ ಸಫಲ್ಯ, ವಿನೋದ್ ಸಾಲ್ಯಾನ್, ಬಾಲಯೇಸು ದೇವಾಲಯದ ಪಾಲನಾ ಮಂಡಳಿಯ ಉಪಾಧ್ಯಕ್ಷ ಆಂಬ್ರೋಜ್ ವಾಲ್ಟರ್, ಕಾರ್ಯದರ್ಶಿ ಮಾರ್ಕ್ ಪಿಂಟೊ, ಐ.ಜೆ.ಎಫ್. ಅಧ್ಯಕ್ಷ ರಿಚರ್ಡ್ ಡಿಸೋಜಾ, ಪ್ರಮುಖರಾದ ರತೀಶ್ ಫೆರ್ನಾಂಡಿಸ್, ಅರುಣ್ ಸೆರಾವೋ, ಜೈಸನ್ ಮೊಂತೇರೋ, ಗ್ಲಾಡ್ಸನ್ ಲಸ್ರಾದೋ, ಜೀವನ್ ಡಿಸೋಜ, ಲೆಸ್ಸನ್ ಮೋರಸ್, ಮತ್ತಿತರರು ಉಪಸ್ಥಿತರಿದ್ದರು.
