ಕೋಟೇಶ್ವರ: ಪ್ಲಾಸ್ಟಿಕ್ ಇಂಡಸ್ಟ್ರೀಸ್ ಉದ್ಯೋಗಿ ಆತ್ಮಹತ್ಯೆ

ಕುಂದಾಪುರ ಮೇ.28(ಉಡುಪಿ ಟೈಮ್ಸ್ ವರದಿ): ನೇಣು ಬಿಗಿದು ವ್ಯಕ್ತಿಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಕುಂದಾಪುರ ದಲ್ಲಿ ನಡೆದಿದೆ. 

ಚಿರಂಜೀವಿ (34) ಆತ್ಮಹತ್ಯೆ ಮಾಡಿಕೊಂಡವರು. ಇವರು ಕೋಟೇಶ್ವರದ ಪ್ಲಾಸ್ಟಿಕ್ ಇಂಡಸ್ಟ್ರಿಯಲ್ಲಿ ಹೆಲ್ಪರ್ ಆಗಿ ಕೆಲಸ ಮಾಡಿಕೊಂಡಿದ್ದರು. ಇವರು ವಸತಿಗೃಹದಲ್ಲಿ ವಾಸಮಾಡಿಕೊಂಡಿದ್ದು, ಮೇ.27 ರಂದು ಸಂಜೆ ಪಕ್ಕದ ರೂಮಿನ ರಜನೀಶ್ ಎಂಬಾತ ಚಿರಂಜಿವಿಯನ್ನು ಕರೆದರೂ ಪ್ರತಿಕ್ರಿಯೆ ನೀಡದಾಗ ಕಿಟಕಿ ಮೂಲಕ ಕೋಣೆಯೊಳಗೆ ನೋಡಿದ್ದಾರೆ.

ಈ ವೇಳೆ ಚಿರಂಜೀವಿ ಅವರು ಆತ್ಮಹತ್ಯೆ ಮಾಡಿಕೊಂಡಿರುವುದು ತಿಳಿದು ಬಂದಿದೆ. ಚಿರಂಜೀವಿಯವರು ಯೂವುದೋ ಕಾರಣದಿಂದ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಕುಂದಾಪುರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.