ಸಂಸದೆ ಶೋಭಾ ಹೇಳಿಕೆಯನ್ನು ಸರಿಯಾಗಿ ಗ್ರಹಿಸದೆ ರಾಜಕೀಯ ವಿರೋಧಕ್ಕಾಗಿ ಖಂಡಿಸುವ ಕ್ಯಾಥೋಲಿಕ್ ಸಭಾ- ಆಲ್ವಿನ್ ಡಿ’ಸೋಜ

ಉಡುಪಿ: ಹಲವು ಕ್ಯಾಥೋಲಿಕ್ ಕ್ರೈಸ್ತರು ವ್ಯಾಕ್ಸಿನ್ ವಿಷಯದಲ್ಲಿ ಉಡುಪಿ-ಚಿಕ್ಕಮಗಳೂರು ಸಂಸದೆ ಶೋಭಾಕರಂದ್ಲಾಜೆಯವರು ಕೊಟ್ಟ ಹೇಳಿಕೆಯನ್ನು ಸರಿಯಾಗಿ ಗ್ರಹಿಸದೆ ಖಂಡಿಸುತ್ತಿದ್ದಾರೆ. ಸಂಸದೆ ಶೋಭಾ ಕರಂದ್ಲಾಜೆಯವರು ವ್ಯಾಕ್ಸಿನ್ ವಿಷಯದಲ್ಲಿ ಮೂಡಿಗೆರೆ, ಅಲ್ದೂರಿನ ಭಾಗದಲ್ಲಿ ಇರುವ ಕೆಲವು ಇತ್ತೀಚೆಗೆ ಬಂದ ಚರ್ಚ್ ಗಳಲ್ಲಿ ವ್ಯಾಕ್ಸಿನ್ ತಗೋಬೇಡಿ ಅಂತ ಅಪಪ್ರಚಾರ ಮಾಡಲಾಗುತ್ತಿದೆ, ಅದರಲ್ಲೂ ಪ್ರಮುಖವಾಗಿ ಇತ್ತೀಚೆಗೆ ಮತಾಂತರಗೊಂಡವರು ಚರ್ಚಿಗೆ ಹೋದಾಗ ಈ ರೀತಿ ಅಪಪ್ರಚಾರ ಮಾಡಲಾಗುತ್ತಿದ್ದು, ಯಾರು ಏಕೆ ಹೀಗೆ ಹೇಳುತ್ತಿದ್ದಾರೆ ಎಂಬುದನ್ನು ಆದಷ್ಟು ಬೇಗ ಪತ್ತೆ ಮಾಡಬೇಕು ಅಂದಿದ್ದಾರೆ.

ಕ್ಯಾಥೋಲಿಕ್ ಕ್ರೈಸ್ತರು ಅಪಪ್ರಚಾರದಲ್ಲಿ ತೊಡಗಿಲ್ಲ ಎಂಬುವುದನ್ನು ತಿಳಿಸಿದ್ದಾರೆ. ಚರ್ಚ್ ಗಳಲ್ಲಿ ಹಲವು ರೀತಿಯ ಹೊಸ ಚರ್ಚ್ ಗಳು ಇವೆ. ಇತ್ತೀಚೆಗೆ ಬಂದ ಹಲವು ಪಂಗಡದ ಚರ್ಚ್ ಗಳಿಂದ ಅಪಪ್ರಚಾರನಡೆಯುತ್ತಿದ್ದು ಅವರ ಬಗ್ಗೆ ತನಿಖೆ ಮಾಡಿ ಸೂಕ್ತ ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಆದರೂ ಉಡುಪಿಯ ಕ್ಯಾಥೋಲಿಕ್ ಸಭಾ ಇಂದು ಖಂಡಿಸಿದೆ. ವಿಷಯವನ್ನು ಸರಿಯಾಗಿ ಗ್ರಹಿಸದೆ ರಾಜಕೀಯ ವಿರೋಧಕ್ಕಾಗಿ ಖಂಡಿಸುವ ಹಲವರ ಅರೆಬೆಂದ ಮನೋಸ್ಥಿತಿ ಎದ್ದು ಕಾಣುತ್ತಿದೆ.

ಕೊರೋನ ಅಂಟುರೋಗದ ಸಮಯದಲ್ಲಿ ಸಾಮಾನ್ಯ ನಾಗರಿಕರಿಗೆ ಯಾವುದೇ ಧರ್ಮವು, ವ್ಯಾಕ್ಸಿನ್ ವಿಷಯದಲ್ಲಿಬೆದರಿಸುವುದು ಪ್ರಜಾಪ್ರಭುತ್ವ ವಿರೋಧವಾಗಿದ್ದು, ಆರೋಗ್ಯಕರ ಸಮಾಜಕ್ಕೂ ಉತ್ತಮವಲ್ಲ. ಸಂಸದೆಯವರು ಹೇಳಿಕೆ ಕೊಟ್ಟ ವಿಡಿಯೋವನ್ನು ಪುನಃ ಕೇಳಿ ಸ್ಪಷ್ಟ ಪಡಿಸಿಕೊಳ್ಳಿ. ಯಾರೋ ವಿರೋಧಿಗಳು ದಾರಿ ತಪ್ಪಿಸಿದ ಕುರಿಗಳಂತೆ ಆಡದಿರಿ, ಪ್ರಪಂಚದಲ್ಲಿ ಕ್ರೈಸ್ತರ 55000+ ಪಂಗಡಗಳ Denominations ಚರ್ಚ್ ಗಳಿವೆ. ಕರ್ನಾಟಕದಲ್ಲೆ 100ಕ್ಕೂ ಮೀರಿದ ಕ್ರೈಸ್ತ ಪಂಗಡಗಳಿವೆ. ಹಲವು ಚರ್ಚ್ ಗಳಿಗೆ ಕ್ಯಾಥೋಲಿಕ್ ಪಂಗಡದವರನ್ನು ಕಂಡರೆ ಆಗೋಲ್ಲ…

ಒಂದು ಪಂಗಡದ ಚರ್ಚಿನವರು ಇನ್ನೊಂದು ಪಂಗಡದ ಚರ್ಚಿಗೆ ಪ್ರೇಯರ್, ಬಲಿಪೂಜೆಗೆ ಹೋಗೋದಿಲ್ಲ, ತಮ್ಮ ಮಕ್ಕಳಿಗೆ ಒಂದು ಪಂಗಡದಿಂದ ಇನ್ನೊಂದು ಪಂಗಡದವರಿಗೆ ಮದುವೆ ಮಾಡಿ ಕೊಡುವುದಿಲ್ಲ. ಅಂತದರಲ್ಲಿ ವಿರೋಧಕ್ಕಾಗಿಯೇ ವಿರೋಧ ಮಾಡುವ ಮನೋಸ್ಥಿತಿಯನ್ನು ಬದಲಾಯಿಸಿಕೊಳ್ಳಬೇಕು. ಹಲವು ಅಸ್ವಸ್ಥ ಮನಸ್ಸಿನ ರಾಜಕೀಯ ಧುರೀಣರು ಹಿಂಬದಿಯಿಂದ ಚಿವುಟಿದಾಗ ಕ್ಯಾಥೋಲಿಕ್ ಕ್ರೈಸ್ತರು ಖಂಡಿಸುವುದು ಸ್ವಸ್ಥ ನಾಗರಿಕರ ಗಮನಕ್ಕೆ ಬಂದಿರುತ್ತದೆ. ಶಾಂತಿಪ್ರೀಯ ಕ್ರೈಸ್ತರು ಕಳೆದ ಶತಮಾನಗಳಲ್ಲಿ ವಿದೇಶಗಳಲ್ಲಿ ಅಮೇರಿಕ, ಇಂಗ್ಲೆಂಡ್ ಗಳಲ್ಲಿ ತಮ್ಮ ಕ್ರೈಸ್ತ ಪಂಗಡಗಳಲ್ಲಿ ಯುದ್ಧವಾದದ್ದು ನೆನಪಿಸಿಕೊಳ್ಳಿ.  ಬೈಬಲ್ ಹಿಡಿದ ಶಾಂತಿಪ್ರಿಯ ಕೈಗಳು ಬಂದೂಕು ಹಿಡಿದ ಇತಿಹಾಸದ ಪುಟಗಳನ್ನು ತಿರುವಿ. ಇಂಗ್ಲೆಂಡ್, ರೋಮ್ ಯುದ್ಧದಲ್ಲಿ ಲಕ್ಷಾಂತರ ಮಂದಿ ಕ್ರೈಸ್ತರು ಜೀವತೆತ್ತುದನ್ನು ನೆನಪಿಸಿಕೊಂಡು, ಭಾರತದಲ್ಲಿ ಶಾಂತಿ ಪ್ರೀತಿಯಿಂದ ಜೀವಿಸುವಂತಾಗಲಿ. ನಮ್ಮ ಕರ್ನಾಟಕ ಕರಾವಳಿಯ ಬುದ್ಧಿವಂತ ಕ್ರೈಸ್ತರು ಕ್ರಿಸ್ತನ ಹಾದಿಯನ್ನು, ತ್ಯಾಗವನ್ನು ಸ್ಮರಿಸಿ ಶಾಂತಿ ಪ್ರೀತಿ, ತ್ಯಾಗದಿಂದ ಜೀವನ ಸಾರುವಂತಾಗಲಿ.

ಸಾಧ್ಯವಾದರೆ ಮತಾಂತರ, ಲವ್ ಜಿಹಾದ್ ಮತ್ತು ಅನೌಪಚಾರಿಕ ವಿಷಯಗಳನ್ನು ಖಂಡಿಸಿ ದೇಶದ ಒಗ್ಗಟ್ಟಿಗೆ ಕೈಜೋಡಿಸಿ.

ಆಲ್ವಿನ್ ಡಿ’ಸೋಜ, ಪ್ರಧಾನ ಕಾರ್ಯದರ್ಶಿ, ಅ.ಸಂ.ಮೋ, ಜಿಲ್ಲಾ ಬಿಜೆಪಿ ಉಡುಪಿ. ಸದಸ್ಯರು, ಸ್ಥಾಯಿ ಸಮೀತಿ, ಉಡುಪಿ ಜಿಲ್ಲೆ.