ಹಿರಿಯಡ್ಕ: ಅಕ್ರಮ ಮದ್ಯ ಮಾರಾಟ ವ್ಯಕ್ತಿಯ ಬಂಧನ
ಹಿರಿಯಡ್ಕ ಮೇ.21(ಉಡುಪಿ ಟೈಮ್ಸ್ ವರದಿ): ಅಕ್ರಮ ಮದ್ಯ ಮಾರಾಟ ಮಾಡುತ್ತಿದ್ದ ವ್ಯಕ್ತಿಯೊಬ್ಬನನ್ನು ಪೊಲೀಸರು ವಶಕ್ಕೆ ಪಡೆದಿರುವ ಘಟನೆ ಬೆಳ್ಳಂಪಳ್ಳಿ ಯಲ್ಲಿ ನಡೆದಿದೆ.
ಗಣೇಶ (40) ಪೊಲೀಸರು ವಶಕ್ಕೆ ಪಡೆದ ಆರೋಪಿ. ಈ ಬಗ್ಗೆ ಖಚಿತ ಮಾಹಿತಿ ಪಡೆದ ಹಿರಿಯಡ್ಕ ಠಾಣಾ ಪೊಲೀಸರು ಮಾಹಿತಿ ದೊರೆತ ಸ್ಥಳಕ್ಕೆ ತೆರಳಿ ನೋಡಿದಾಗ ವ್ಯಕ್ತಿಯು ಬಾಕ್ಸ್‌ ನಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದೂದು ಪತ್ತೆಯಾಗಿದೆ. ಈ ವೇಳೆ ದಾಳಿ ಮಾಡಿದ ಪೊಲೀಸರು ಸ್ಥಳದಲ್ಲಿ ಇದ್ದ ಒಟ್ಟು 17,163 ರೂ ಮೌಲ್ಯದ 40 ಲೀಟರ್‌ ಮದ್ಯವನ್ನು ಹಾಗೂ ಮದ್ಯ ಮಾರಾಟ ಮಾಡಿದ 810 ರೂ. ನಗದನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.
ಪೊಲೀಸರು ವಶಕ್ಕೆ ಪಡೆದ ಮದ್ಯಗಳಲ್ಲಿ180 ಎಮ್ ಎಲ್ ನ 84 ಟೆಟ್ರಾ ಪ್ಯಾಕೇಟ್ ಗಳು, 180 ಎಂಎಲ್ ಎಲ್ ನ 22 ಪ್ಲಾಸ್ಟಿಕ್ ಬಾಟಲಿಗಳು, 500 ಎಂಎಲ್ ನ 25 ಕ್ಯಾನ್‌ಗಳು, 33O ಎಂಎಲ್ ನ 22 ಗಾಜಿನ ಬಾಟಲಿಗಳು, 65೦ ಎಂಎಲ್ ನ 8 ಗಾಜಿನ ಬಾಟಲಿಗಳು, 180 ಎಂ ಎಲ್ ನ 8 ಗಾಜಿನ ಬಾಟಲ್‌ಗಳು ಒಳಗೊಂಡಿದೆ. ಬಗ್ಗೆ ಹಿರಿಯಡ್ಕ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
