ಕುಂದಾಪುರ: ಸಮಾಜ ಕಲ್ಯಾಣ ಇಲಾಖೆಯ ಹಾಸ್ಟೆಲ್ ನ ನಿವೃತ್ತ ಅಡುಗೆ ಸಹಾಯಕ ಮಾಧವಣ್ಣ ಇನ್ನಿಲ್ಲ

ಕುಂದಾಪುರ: ಕುಂದಾಪುರ ನಿವಾಸಿ ಮೂಲತಃ ಬೈಂದೂರು ಬುಳ್ಳನ ಮನೆಯ ಮಾಧವ ದೇವಾಡಿಗ (61) ಅಲ್ಪಕಾಲದ ಅನಾರೋಗ್ಯದಿಂದ ನಗರದ ಖಾಸಗಿ ಆಸ್ಪತ್ರೆಯಲ್ಲಿ ಭಾನುವಾರ ನಿಧನ ಹೊಂದಿದರು.

ಕುಂದಾಪುರ ತಾಲೂಕಿನ ಸಮಾಜ ಕಲ್ಯಾಣ ಇಲಾಖೆಯ ನೆಹರು ಮೈದಾನದ ಸಮೀಪದ ಹುಡುಗರ ಹಾಸ್ಟೆಲ್ ನಲ್ಲಿ 37 ವರ್ಷಗಳ ಸುದೀರ್ಘಕಾಲ ಹಿರಿಯ ಅಡುಗೆ ಸಹಾಯಕರಾಗಿ ಸೇವೆ ಸಲ್ಲಿಸಿ ನಿವೃತ್ತಿ ಹೊಂದಿದ್ದರು.

ಇಲಾಖೆಯ ಸಿಬ್ಬಂದಿ ವರ್ಗದವರಿಗೆ ಜನಾನುರಾಗಿಯಾಗಿ, ಹಲವಾರು ಹಳೆಯ ವಿದ್ಯಾರ್ಥಿಗಳ ನೆಚ್ಚಿನ “ಮಾಧವಣ್ಣ” ಎಂದೇ ಪ್ರಸಿದ್ಧಿ ಹೊಂದಿದ್ದರು ಮೃತರು ಪತ್ನಿ ಪುತ್ರ ,ಪುತ್ರಿ, ಸಹೋದರಿಯರು ,ಸಹೋದರ ಹಾಗೂ ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ. ಮೃತರ ನಿಧನಕ್ಕೆ ತಾಲೂಕು ಸಮಾಜ ಕಲ್ಯಾಣ ಇಲಾಖೆಯ ಹಿರಿಯ ಅಧಿಕಾರಿಗಳು, ವಿದ್ಯಾರ್ಥಿ ನಿಲಯಗಳ ಮೇಲ್ವಿಚಾರಕರು, ಅಡುಗೆ ಸಹಾಯಕರು ಹಾಗೂ ಕಛೇರಿ ಸಿಬ್ಬಂದಿ ವರ್ಗದವರು ಸಂತಾಪ ಸೂಚಿಸಿರುತ್ತಾರೆ.