ಕುಂದಾಪುರ ರೋಜರಿ ಸೊಸೈಟಿಯ ಸಿಇಒ ಪಾಸ್ಕಲ್ ಡಿಸೋಜಾ ನಿಧನ

ಕುಂದಾಪುರ,ಮೇ.16; ಕುಂದಾಪುರ ರೋಜರಿ ಕ್ರೆಡಿಟ್ ಕೋ.ಆಪರೇಟಿವ್ ಸೊಸೈಟಿ ಲಿ.ನ ಮುಖ್ಯ ಕಾರ್ಯನಿರ್ವಹಣ ಅಧಿಕಾರಿ, ಸಂಗೀತಗಾರ ಪಾಸ್ಕಲ್ ಡಿಸೋಜಾ (52) ಅಲ್ಪಕಾಲದ ಅಸೌಖ್ಯದಿಂದ ಇಂದು ನಿಧನರಾಗಿದ್ದಾರೆ.

ಪಾಸ್ಕಲ್ ಡಿಸೋಜಾ ಅವರು ಪತ್ನಿ ವಿನೀತಾ, ಪುತ್ರಿ ಪ್ರಮೀತಾ ಹಾಗೂ ಕುಟುಂಬ ಮತ್ತು ಅವರ ಅನೇಕ ಅಭಿಮಾನಿಗಳನ್ನು ಅಗಲಿದ್ದಾರೆ. ಪಾಸ್ಕಲ್ ರವರು ಹಲವಾರು ವರ್ಷಗಳಿಂದ ಕುಂದಾಪುರ ರೋಜರಿ ಕ್ರೆಡಿಟ್ ಕೋ.ಆಪರೇಟಿವ್ ಸೊಸೈಟಿ ಲಿ.ನ ಮುಖ್ಯ ಕಾರ್ಯನಿರ್ವಹಣ ಅಧಿಕಾರಿಯಾಗಿ ಸೇವೆ ಸಲ್ಲಿಸುತಿದ್ದರು. ಹಾಗೇ ಸಂಗೀತಗಾರನಾಗಿ ಗುರುತಿಸಿ ಕೊಂಡಿದ್ದರು, ಹಲವಾರು ಗೀತೆಗಳನ್ನು ರಚಿಸಿ ಸಂಗೀತ ಸಿ.ಡಿ.ಗಳನ್ನು ಹೊರ ತೆಗಿದ್ದರು, ಕೊಂಕಣಿ ರಸಮಂಜರಿ ಕಾರ್ಯಕ್ರಮಗಳನ್ನು ನೀಡಿದ್ದರು. ಅಲ್ಲದೆ ಕಲಾಮ್ರತ ಸಾಂಸ್ಕ್ರತಿಕ ತಂಡದ ನಾಟ್ಕಗಳಿಗೆ ಸಂಗೀತ ನಿರ್ದೇಶ ನೀಡಿದ್ದರು.

ಬಹಳ ಹಿಂದಿನಿಂದ ಇವತ್ತಿನ ವರೆಗೆ ದಿರ್ಘ ಕಾಲ ಕುಂದಾಪುರ ಚ ರ್ಚಿನಲ್ಲಿ ಭಕ್ತಿಗಾಯನಗಳಿಗೆ ಸಂಗೀತ ನೀಡಿ ಅಮೂಲ್ಯ ಸೇವೆ ನೀಡಿದವರಾಗಿದ್ದು ಇವರ ನಿಧನದಿಂದ ಕುಂದಾಪುರ ಚರ್ಚಿಗೆ ಹೇಳಲಾರದ ನಷ್ಟ ಉಂಟಾಗಿದೆ. ಇವರ ಮ್ರತ್ಯು ಕುಂದಾಪುರ ಚರ್ಚಿನ ಭಕ್ತಾಧಿಗಳಿಗೆ ಅಘಾತವನ್ನು ತಂದಿದೆ.