ಉಡುಪಿ: ಶೀರೂರು ಮಠದ 31ನೇ ಯತಿ ಶ್ರೀವೇದವರ್ಧನ ತೀರ್ಥರಾಗಿ ಪಟ್ಟಾಭಿಷೇಕ

ಉಡುಪಿ ಮೇ.14: ಅಷ್ಟಮಠಗಳಲ್ಲೊಂದಾದ ಶೀರೂರು ಮಠದ 31ನೇ ಯತಿಯಾಗಿ ಶ್ರೀ ವೇದವರ್ಧನತೀರ್ಥ ಶ್ರೀಪಾದರ ಪಟ್ಟಾಭಿಷೇಕ ಇಂದು ನಡೆಯಿತು.

ಅಕ್ಷಯ ತೃತಿಯಾ ಶುಭದಿನದವಾದ ಇಂದು ಮಧ್ಯಾಹ್ನ 12.35 ರ ಸುಮುಹೂರ್ತದಲ್ಲಿ ದ್ವಂದ್ವ ಮಠಾಧೀಶರಾದ ಸೋದೆ ಶ್ರೀ ವಿಶ್ವವಲ್ಲಭತೀರ್ಥ ಶ್ರೀಪಾದರು ಶೀರೂರು ಮೂಲ ಮಠದಲ್ಲಿ ನೂತನ ಯತಿಗೆ ನಾಮಕರಣ ಮಾಡಿ, ವಿವಿಧ ಧಾರ್ಮಿಕ ಪ್ರಕ್ರಿಯೆಗಳೊಂದಿಗೆ ಶೀರೂರು ಮಠದ ಉತ್ತರಾಧಿಕಾರಿಯಾಗಿ ಪಟ್ಟಾಭಿಷೇಕ ನಡೆಸಿದರು.

ಶಿರದಲ್ಲಿ ಶೀರೂರು ಮಠದ ಉಪಾಸ್ಯಮೂರ್ತಿ ಸಹಿತ ಸಾಲಿಗ್ರಾಮವನ್ನಿರಿಸಿಕೊಂಡಿದ್ದ ನೂತನ ಯತಿಗೆ  ಶ್ರೀಪಾದರು   ಪಟ್ಟಾಭಿಷೇಕ ಅಂಗವಾಗಿ ಅಭಿಷೇಕ ನಡೆಸಿದರು. ಬಳಕ ನೂತನ ಯತಿಯ ನಾಮಧೇಯವನ್ನು ಘೋಷಿಸಿದರು.