ಜನರೇಟರ್‌ನ ವಿದ್ಯುತ್ ಪ್ರವಹಿಸಿ ಕೋಲ್ಡ್ ಡ್ರಿಂಕ್ಸ್ ಫ್ಯಾಕ್ಟರಿ ಮಾಲಕ ಮೃತ್ಯು

ಅಜೆಕಾರ್: ಇಲ್ಲಿನ ಮುಂಡ್ಲಿಯ ಕೋಲ್ಡ್ ಡ್ರಿಂಕ್ಸ್ ಫ್ಯಾಕ್ಟರಿಯ ಮಾಲಕನಿಗೆ ವಿದ್ಯುತ್ ಶಾಕ್ ತಗುಲಿ ಸ್ಥಳದಲ್ಲೇ ಸಾವನ್ನಾಪ್ಪಿದ ಘಟನೆ ಸೋಮವಾರ ಮುಂಜಾನೆ ನಡೆದಿದೆ.

ಅಜೆಕಾರ್‌ನ ಪುಷ್ಪ ಕೋಲ್ಡ್ ಡ್ರಿಂಕ್ಸ್ ಫ್ಯಾಕ್ಟರಿ ಮಾಲಕ ರತ್ನವರ್ಮ ಜೈನ್ (52) ಇಂದು ಬೆಳಿಗ್ಗೆ ತನ್ನ ಫ್ಯಾಕ್ಟರಿಯನ್ನು ತೆರೆದ ಸಂದರ್ಭ ವಿದ್ಯುತ್ ಸಂಪರ್ಕ ಇಲ್ಲದಾಗ ಜನರೇಟರ್ ಸಂಪರ್ಕ ಕಲ್ಪಿಸಲು ಶೆಡ್‌ಗೆ ಹೋಗಿದ್ದರು, ನಂತರ ವಿದ್ಯುತ್ ಸಂಪರ್ಕ ವ್ಯವಸ್ಥೆಯಲ್ಲಿ ವ್ಯತ್ಯಯ ಉಂಟಾಗಿತ್ತು. ಆಗ ಎಲೆಕ್ಷ್ರೀಶನ್‌ಗೆ ಮಾಹಿತಿ ನೀಡಿದ್ದರು.

ಅವರು ನಾನು ಬರುತ್ತೇನೆಂದು ಹೇಳಿದ್ದರೂ ಮಾಲಕ ಜೈನ್ ಅವರು ಮತ್ತೆ ಶೆಡ್‌ಗೆ ಹೋಗಿ ಜನರೇಟರ್ ಸಂಪರ್ಕ ಸ್ಥಗಿತಗೊಳಿಸಲು ತೆರಳಿದ ಸಂದರ್ಭ ವಿದ್ಯುತ್ ಪ್ರವಹಿಸಿ ಸ್ಥಳದಲ್ಲೇ ಮೃತ ಪಟ್ಟರೆಂದು ಅಜೆಕಾರ್ ಠಾಣಾಧಿಕಾರಿ ತಿಳಿಸಿದ್ದಾರೆ. ಮೃತರಿಗೆ ಪತ್ನಿ, ಇಬ್ಬರು ಮಕ್ಕಳು ಇದ್ದಾರೆ.

ಕಾರ್ಕಳ ಭಾಗದಲ್ಲಿ ಕಂಬಳ ಪ್ರೇಮಿಯಾಗಿದ್ದ ಜೈನ್ ಸರಳ ಸ್ವಭಾವದವರೆಂದು ತಿಳಿದು ಬಂದಿದೆ.