ಕಾರ್ಕಳ: ಕೋವಿಡ್ ನಿಯಮ ಉಲ್ಲಂಘಿನೆ- ಐವರ ವಿರುದ್ಧ ಕೇಸು ದಾಖಲು
ಕಾರ್ಕಳ ಮೇ.6(ಉಡುಪಿ ಟೈಮ್ಸ್ ವರದಿ): ಕೋವಿಡ್ ನಿಯಮ ಉಲ್ಲಂಘಿಸಿದ ಐವರ ವಿರುದ್ಧ ಪೊಲೀಸರು ದೂರು ದಾಖಲಿಸಿಕೊಂಡಿದ್ದಾರೆ.
ಅಮರ್‌ (27) ,ಅನಿಲ್‌ (28), ಪ್ರಸನ್ನ (24), ಸುಮಂತ್‌ (24), ಅಕ್ಷಯ್ (29) ಎಂಬವರ ವಿರುದ್ದ ಪೊಲೀಸರು ದೂರು ದಾಖಲಿಸಿದ್ದಾರೆ. ಮೇ.5 ರಂದು ಕಾರ್ಕಳ ನಗರ ಪೊಲೀಸ್ ಠಾಣೆಯ ಪೊಲೀಸ್ ಉಪ ನಿರೀಕ್ಷಕ ದಾಮೋದರ ಕೆ ಬಿ ಅವರು ಸಿಬ್ಬಂದಿಗಳೊಂದಿಗೆ ರೌಂಡ್ಸ್ ಕರ್ತವ್ಯದಲ್ಲಿದ್ದಾಗ ಕಾರ್ಕಳದ ಕಸಬ ಗ್ರಾಮದ ಜೋಡುರಸ್ತೆ ಮಟನ್‌ ಸ್ಟಾಲ್‌ ಬಳಿ ಮದ್ಯಾಹ್ನದ ವೇಳೆ ಬೈಕ್ ನ್ನು ನಿಲ್ಲಿಸಿ ಕೊಂಡು, ಸ್ಥಳದಲ್ಲಿ 5 ಜನರು ಮಾಸ್ಕ್ ಧರಿಸದೇ ನಿಂತುಕೊಂಡಿದ್ದುವುದು ಕಂಡು ಬಂದಿದೆ. ಇವರು ಕೋವಿಡ್ ನಿಯಂತ್ರಿಸುವ ಸಲುವಾಗಿ ಸರಕಾರ ಕೈಗೊಂಡಿರುವ ಕ್ರಮಗಳ ಬಗ್ಗೆ ತಿಳುವಳಿಕೆ ಇದ್ದರೂ ಅನಗತ್ಯವಾಗಿ ಒಟ್ಟು ಸೇರಿ ಜಿಲ್ಲಾಡಳಿತ ಆದೇಶ ಮತ್ತು ಕೋವಿಡ್ ನಿಯಮ ಉಲ್ಲಂಘಿಸಿರುವುದಾಗಿ ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
