ಬಾರ್ಕೂರು: ಚೌಳಿ ಕೆರೆಗೆ ಧುಮುಕಿದ ಕಾರು, ವಕ್ವಾಡಿ ಉದ್ಯಮಿ ಸ್ಥಳದಲ್ಲೇ ಸಾವು
ಉಡುಪಿ: ಬಾರ್ಕೂರು ಚೌಳಿ ಕೆರೆಗೆ ಕಾರೊಂದು ಬಿದ್ದು ಉದ್ಯಮಿ ಸ್ಥಳದಲ್ಲೇ ಸಾವನ್ನಪ್ಪಿದ ಘಟನೆ ನಡೆದಿದೆ.
ಇಂದು ಮಧ್ಯಾಹ್ನ ಬಾರ್ಕೂರಿನಿಂದ ಸೈಬ್ರಾಕಟ್ಟೆ ಕಡೆ ತೆರಳುತ್ತಿದ್ದ ಕ್ರೆಟಾ ಕಾರಿನಲ್ಲಿ ಹೋಗುತ್ತಿದ್ದ ವಕ್ವಾಡಿಯ ಪ್ಲೇವುಡ್ ಶಾಪ್‌ನ ಮಾಲಕ ಸಂತೋಷ್ ಶೆಟ್ಟಿ (39) ಕಾರು ಬಾರ್ಕೂರಿನ ಚೌಳಿ ಕೆರೆಗೆ ಬಿದ್ದಿದೆ.
ಈ ಅಪಘಾತಕ್ಕೆ ಸ್ಪಷ್ಟ ಕಾರಣ ಇನ್ನಷ್ಟೇ ತಿಳಿದು ಬರಬೇಕಾಗಿದೆ.
ಕಾರಿನಲ್ಲಿ ಪ್ಲೇವುಡ್ ಶಾಪ್‌ನ ಸಿಬ್ಬಂದಿ ಶ್ವೇತಾ (23) ಇದ್ದೂ ಅವರೂ ಕೂಡ ಗಂಭೀರ ಗಾಯಗೊಂಡಿದ್ದು, ಸ್ಥಳೀಯರು ಅವರನ್ನು ರಕ್ಷಿಸಿದ್ದು, ಬ್ರಹ್ಮಾವರ ಮಹೇಶ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಗೆ ಮಣಿಪಾಲ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಹೆಚ್ಚಿನ ಮಾಹಿತಿ ಇನ್ನಷ್ಟೇ ತಿಳಿದು ಬರಬೇಕಾಗಿದೆ.
