ಉಡುಪಿಯಲ್ಲೂ ಗೋಚರಿಸಿದ ಖಂಡಗ್ರಾಸ ಸೂರ್ಯಗ್ರಹಣ

ಉಡುಪಿ: ಈ ವರ್ಷದ ಮೊದಲ ಖಂಡಗ್ರಾಸ ಸೂರ್ಯಗ್ರಹಣ ಭಾನುವಾರ ಬೆಳಿಗ್ಗೆ 10.04 ಗಂಟೆಗೆ ಆರಂಭವಾಗಿ ಮಧ್ಯಾಹ್ನ 1.38ರ ತನಕ ಇರಲಿದೆ.

ಸೂರ್ಯಗ್ರಹಣ ಜರುಗುವ ಸಮಯದಲ್ಲಿ ದೇವಸ್ಥಾನಗಳಲ್ಲಿ ದೇವರನ್ನು ತೊಳೆಯುವ, ಪುಣ್ಯಾಹಗಳಿಂದ ಶುದ್ಧಿಗೊಳಿಸುವ, ಸಂಪೋಕ್ಷಣೆ ಮತ್ತಿತರೆ ಕಾರ್ಯಗಳು ನೆರವೇರಲಿವೆ. ಹೀಗಾಗಿ ಈ ಸಂದರ್ಭದಲ್ಲಿ ದೇವರ ದರ್ಶನಕ್ಕೆ ಅವಕಾಶವಿರುವುದಿಲ್ಲ. ಗ್ರಹಣ ಬಿಟ್ಟ ಕೂಡಲೇ ದೇವಾಲಯ ಮೂರ್ತಿ ಹಾಗೂ ಗೋಪುರ ಶುದ್ಧೀಕರಣಗೊಳಿಸಿ ಭಕ್ತರ ದರ್ಶನಕ್ಕೆ ವ್ಯವಸ್ಥೆ ಕಲ್ಪಿಸಲಾಗುತ್ತದೆ.