ಎಸ್ ಎಸ್ ಎಲ್ ಸಿ ಪರೀಕ್ಷಾ ಪ್ರವೇಶ ಪತ್ರ ತರಲು ಹೋದ ವಿದ್ಯಾರ್ಥಿನಿ ನಾಪತ್ತೆ

ಮಂಗಳೂರು ಜೂನ್ 20:- ಯುವತಿ ನಾಪತ್ತೆಯಾಗಿರುವ ಬಗ್ಗೆ ಮಂಗಳೂರು ಪೂರ್ವ ಕದ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಭೀಮವ್ವ/ಸುಜಾತ (16) ಎಂಬ ಯುವತಿ  ಜೂನ್ 19 ರಂದು  ಬೆಳಿಗ್ಗೆ 7.30 ಗಂಟೆಗೆ ತನ್ನ ಮನೆಯಿಂದ ಶಾಲೆಗೆ ಹೋಗಿ ಪರೀಕ್ಷಾ ಪ್ರವೇಶ ಪತ್ರ ಪಡೆದುಕೊಂಡು ಬರುತ್ತೇನೆ  ಎಂದು ತಿಳಿಸಿ ಹೋದವಳು ವಾಪಾಸ್ಸು ಮನೆಗೆ ಬಾರದೆ ಕಾಣೆಯಾಗಿದ್ದಾಳೆ.

ಕಾಣೆಯಾದ ಯುವತಿಯ ಚಹರೆ ಇಂತಿವೆ:- ಎತ್ತರ 5.1,  ಸಾಧಾರಣ ಮೈ ಬಣ್ಣ, ಉದ್ದ ಮುಖ, ಕಪ್ಪು ಕಣ್ಣು, ಕಪ್ಪು ಕೂದಲು ಧರಿಸಿರುವ ಬಟ್ಟೆ-ಕೆಂಪು ಬಣ್ಣದ ಚೂಡಿದಾರ. ಕನ್ನಡ, ತುಳು ಮಾತನಾಡುವಳು.
     ಕಾಣೆಯಾದ ಯುವತಿಯ ಬಗ್ಗೆ ಮಾಹಿತಿ ದೊರಕಿದ್ದಲ್ಲಿ ಮಂಗಳೂರು ಪೂರ್ವ ಪೊಲೀಸ್ ಠಾಣೆ ದೂರವಾಣಿ ಸಂಖ್ಯೆ 2220520, 2220800-2220801 ಸಂಪರ್ಕಿಸಲು ಮಂಗಳೂರು ಪೂರ್ವ  ಠಾಣಾಧಿಕಾರಿ ಪ್ರಕಟಣೆ ತಿಳಿಸಿದೆ.