ಗಣಪತಿ ವಿಗ್ರಹ ರಚನೆಕಾರ, ಖ್ಯಾತ ಕಲಾವಿದ ಸುಬ್ರಹ್ಮಣ್ಯ ರಾವ್ ನಿಧನ

ಉಡುಪಿ: ಕುಕ್ಕಿಕಟ್ಟೆ ಚಿಟ್ಪಾಡಿ ನಿವಾಸಿ ಖ್ಯಾತ ಕಲಾವಿದ ಶ್ರೀ ಗಣೇಶ ಆರ್ಟ್ಸ್ ಇದರ ಮಾಲಕರಾದ ಯು. ಸುಬ್ರಮಣ್ಯ ರಾವ್ (70) ಇವರು ಇಂದು ಹೃದಯ ಅಪಘಾತದಿಂದ ನಿಧನ ಹೊಂದಿದರು.

ಇವರು ಕಳೆದ ಐವತ್ತು ವರ್ಷಗಳಿಂದ ಉಡುಪಿ ಸಾರ್ವಜನಿಕ ಗಣೇಶೋತ್ಸವ ಸಮಿತಿಯ ಕಡಿಯಾಳಿ , ನೂರಾರು ಸಂಘ-ಸಂಸ್ಥೆಗಳಿಗೆ, ಮನೆಗಳಿಗೆ ಗಣಪತಿಯ ವಿಗ್ರಹ, ಶಾರದೆ ವಿಗ್ರಹ ರಚನೆ ಮಾಡಿಕೊಡುತ್ತಿದ್ದರು. ಉಡುಪಿ ಜಿಲ್ಲೆಯಲ್ಲಿ ಅತ್ಯಂತ ಎತ್ತರದ (7’9″)ಕಡಿಯಾಳಿ ಗಣಪತಿಯ ರಚನೆ ಇವರು ಸ್ವತಹ ಮಾಡುತ್ತಿದ್ದರು. ಇವರು ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸದಸ್ಯರಾಗಿ, ಭಾರತೀಯ ಜನತಾ ಪಾರ್ಟಿಯ ಹಿರಿಯ ಕಾರ್ಯಕರ್ತರಾಗಿ ಸೇವೆ ಸಲ್ಲಿಸಿದ್ದರು. ಇವರು ಧರ್ಮಪತ್ನಿ, ಎರಡು ಗಂಡು ಎರಡು ಹೆಣ್ಣು ಮಕ್ಕಳನ್ನು ಅಗಲಿದ್ದಾರೆ. ಇವರ ನಿಧನಕ್ಕೆ ಕಡಿಯಾಳಿ ಗಣೇಶೋತ್ಸವ ಸಮಿತಿ ಅಧ್ಯಕ್ಷರಾದ ಪ. ವಸಂತ ಭಟ್  ಮತ್ತು ಸರ್ವ ಸದಸ್ಯರು ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ.