ಶಿರ್ವ: ಇಸ್ಪೀಟು ಜುಗಾರಿ – 9 ಮಂದಿ ಬಂಧನ

ಶಿರ್ವ, ಅ.29: ಕುರ್ಕಾಲು ಗ್ರಾಮದ ಬಿಳಿಯಾರು ಹಾಡಿ ಪ್ರದೇಶದಲ್ಲಿ ಅ.27ರಂದು ಸಂಜೆ ವೇಳೆ ಇಸ್ಪೀಟು ಜುಗಾರಿ ಆಡುತ್ತಿದ್ದ 9 ಮಂದಿಯನ್ನು ಶಿರ್ವ ಪೊಲೀಸರು ಬಂಧಿಸಿದ್ದಾರೆ.

ಬಂಧಿತರನ್ನು ಉದಯ(53), ಭುಜಂಗ(52) ಶೇಖರ (65), ಕಿಟ್ಟ(55), ಸಂಜೀವ(72), ರಮೇಶ(35), ಸಂಜಯ್(42), ನಾರಾಯಣ್(68), ಮುಹಮ್ಮದ್ (63) ಎಂದು ಗುರುತಿಸಲಾಗಿದೆ. ಇವರಿಂದ ಕೃತ್ಯಕ್ಕೆ ಬಳಸಿದ್ದ 10,760ರೂ., ಮೂರು ದ್ವಿಚಕ್ರ ವಾಹನಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಈ ಬಗ್ಗೆ ಶಿರ್ವ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.