ಉದ್ಯಾವರ ಚರ್ಚಿನಲ್ಲಿ ಮೊಂತಿ ಹಬ್ಬದ ತಯಾರಿಯಾಗಿ ನೊವೆನಾ ಆರಂಭ

ಉಡುಪಿ: ಆ.30 ರಂದು ಉದ್ಯಾವರ ಸಂತ ಫ್ರಾನ್ಸಿಸ್ ದೇವಾಲಯದಲ್ಲಿ ಮೊಂತಿ ಹಬ್ಬದ ಸಲುವಾಗಿ ಮೊದಲನೆ ದಿನದ ನೊವೆನಾ (ವಿಶೇಷ ಪ್ರಾರ್ಥನೆ) ಆಚರಿಸಲಾಯಿತು. ಈ ಪ್ರಾರ್ಥನೆ ಒಂಭತ್ತು ದಿನಗಳ ಕಾಲ ನಿರಂತರ ನಡೆಯಲಿದೆ. ಸೆ.8ರಂದು ಮೊಂತಿ ಹಬ್ಬ ಆಚರಿಸಲಾಗುತ್ತದೆ.

ಇಂದು ಬೆಳಿಗ್ಗೆ 8 ಗಂಟೆಗೆ ವಂ।ಫಾ. ಅನಿಲ್ ಡಿ’ಸೋಜ ಅವರು ದಿವ್ಯ ಬಲಿಪೂಜೆಯನ್ನು ನೆರವೆರಿಸಿದರು. ಈ ವೇಳೆ ಮಾತೆ ಮರಿಯಮ್ಮ ನಮ್ಮ ಕೌಟುಂಬಿಕ ಜೀವನಕ್ಕೆ ಪ್ರೇರಣೆ ಎಂಬ ಸಂದೇಶವನ್ನು ನೀಡಿದರು. ಪೂಜೆಯ ಬಳಿಕ ನೊವೆನಾದೊಂದಿಗೆ ಕಂದ ಮರಿಯಾಳ ಪ್ರತಿಮೆಗೆ ಪುಟ್ಟ ಮಕ್ಕಳೊಂದಿಗೆ ಹಿರಿಯರು ಸೇರಿ ಪುಷ್ಪಾರ್ಚನೆ ಮಾಡಿ ಗೌರವಿಸಿದರು.