ಆ.31: ಉಡುಪಿ ಕೆಥೋಲಿಕ್ ಕ್ರೆ.ಕೋ-ಆ. ಸೊಸೈಟಿಯ ಹೂಡೆ-ಕೆಮ್ಮಣ್ಣು 5ನೇ ಶಾಖೆ ಉದ್ಘಾಟನೆ
ಉಡುಪಿ, ಆ.29: ಉಡುಪಿ ಕೆಥೋಲಿಕ್ ಕ್ರೆಡಿಟ್ ಕೋ- ಆಪರೇಟಿವ್‌ ಸೊಸೈಟಿಯ ನೂತನ 5ನೇ ಹೂಡೆ – ಕೆಮ್ಮಣ್ಣು ಶಾಖೆಯ ಉದ್ಘಾಟನೆ ಆ. 31ರ ಶನಿವಾರ ಬೆಳಿಗ್ಗೆ 10ಕ್ಕೆ ಕೆಮ್ಮಣ್ಣು ಕ್ಯಾಸ್ತಲಿನೋ ಬೇಕರಿ ಬಳಿಯಲ್ಲಿ ನಡೆಯಲಿದೆ.
ಕೆಮ್ಮಣ್ಣು ಸಂತ ತೆರೇಸಾ ಚರ್ಚ್‌ ಲಿಟ್ಸ್‌ ಫ್ಲವ‌ರ್ ಸಭಾಂಗಣದಲ್ಲಿ ಸಭಾ ಕಾರ್ಯಕ್ರಮ ನಡೆಯಲಿದ್ದು, ಶಾಖಾ ಕಚೇರಿಯನ್ನು ಶಾಸಕ ಯಶ್‌ಪಾಲ್ ಎ. ಸುವರ್ಣ ಉದ್ಘಾಟಿಸುವರು. ಕೆಮ್ಮಣ್ಣು ಸಂತ ತೆರೇಸಾ ಚರ್ಚ್‌ನ ಧರ್ಮಗುರು ರೆ|ಫಾ| ಫಿಲಿಪ್ ನೇರಿ ಅರಾನ್ಹಾ ಆಶೀರ್ವಚನ ನೀಡಲಿದ್ದಾರೆ. ಸೊಸೈಟಿ ಅಧ್ಯಕ್ಷ ಲೂವಿಸ್‌ ಲೋಬೊ ಅಧ್ಯಕ್ಷತೆ ವಹಿಸುವರು.
ಗಣಕೀಕೃತ ಯಂತ್ರವನ್ನು ಜಿಲ್ಲಾ ಸಹಕಾರಿ ಯೂನಿಯನ್ ಅಧ್ಯಕ್ಷ ಬಿ. ಜಯಕರ ಶೆಟ್ಟಿ ಇಂದ್ರಾಳಿ, ಭದ್ರತಾ ಕೊಠಡಿಯನ್ನು ಉದ್ಯಮಿ ಪ್ರಸಾದ್‌ರಾಜ್ ಕಾಂಚನ್, ಸಭಾ ಕಾರ್ಯಕ್ರಮವನ್ನು ಹೂಡೆ ಬೀಚ್ ಹೀಲಿಂಗ್ ಹೋಮ್ ನಿರ್ದೇಶಕ ಡಾ।ಮೊಹಮ್ಮದ್ ರಫೀಕ್ ಉದ್ಘಾಟಿಸಲಿದ್ದಾರೆ. ಠೇವಣಿ ಪತ್ರವನ್ನು ಕೆಮ್ಮಣ್ಣು ಗ್ರಾ.ಪಂ. ಅಧ್ಯಕ್ಷೆ ಕುಸುಮಾ ಬಿಡುಗಡೆಗೊಳಿಸುವರು. ಮುಖ್ಯಅತಿಥಿಗಳಾಗಿ ಜಿಲ್ಲಾ ಸಹಕಾರ ಸಂಘಗಳ ಉಪನಿಬಂಧಕಿ ಲಾವಣ್ಯಾ, ಸಹಕಾರ ಸಂಘಗಳ ಕುಂದಾಪುರ ಉಪನಿಬಂಧಕಿ ಸುಕನ್ಯಾ, ಸಮಾಜ ಸೇವಕಿ ವೆರೋನಿಕಾ ಕರ್ನೇಲಿಯೋ, ಕೆಮ್ಮಣ್ಣು ಗ್ರಾ.ಪಂ. ಉಪಾಧ್ಯಕ್ಷ ಅರುಣ್ ಫೆರ್ನಾಂಡಿಸ್, ಕಟ್ಟಡ ಮಾಲಕ ರೋಮಿಯೋ ಕ್ಯಾಸ್ತಲಿನೋ ಉಪಸ್ಥಿತರಿರಲಿದ್ದಾರೆ ಎಂದು ಸೊಸೈಟಿಯ ಪ್ರಕಟನೆ ತಿಳಿಸಿದೆ.
