ಉಡುಪಿ: ಮಹಿಳಾ ಮಂಡಳಿ ಮಾರ್ಪಳ್ಳಿ- ಮುದ್ದುಕೃಷ್ಣ ಸ್ಪರ್ಧೆ
ಉಡುಪಿ: ಶ್ರೀಕೃಷ್ಣ ಜನ್ಮಾಷ್ಟಮಿ ಅಂಗವಾಗಿ ಮುದ್ದುಕೃಷ್ಣ, ಬಾಲಕೃಷ್ಣ, ರಾಧಾಕೃಷ್ಣ ಸ್ಪರ್ಧೆಯು ಪ್ರಪ್ರಥಮ ಬಾರಿಗೆ ಮಾರ್ಪಳ್ಳಿಯ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನದಲ್ಲಿ ಬಹಳ ಅದ್ದೂರಿಯಾಗಿ ಜರುಗಿತು.
ಮಾರ್ಪಳ್ಳಿ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನದ ಸಮಿತಿಯ ಅಧ್ಯಕ್ಷ ಹೇಮಂತ್ ಶೆಟ್ಟಿ ಕಾರ್ಯಕ್ರಮ ವನ್ನು ಉದ್ಘಾಟಿಸಿದರು. ಮಹಿಳಾ ಮಂಡಳಿಯ ಗೌರವಾಧ್ಯಕ್ಷರಾದ ಅನುರಾಧ ಉದಯ್ ಹಾಗೂ ಅಧ್ಯಕ್ಷರಾದ ಪುಷ್ಪಲತಾ ರಮಾನಂದ್‌ರವರು ಉಪಸ್ಥಿತರಿದ್ದರು. ಮುಖ್ಯ ತೀರ್ಪುಗಾರರಾಗಿ ರಮಾ ವೈ.ಎನ್.,ಕುಮಾರಿ ಕೀರ್ತನಾ, ಕುಮಾರಿ ಅಭಿನಯ ಹಾಗೂ ಕುಮಾರಿ ದೀಕ್ಷಾ, ಯಶಸ್ವಿನಿ ಆಚಾರ್ಯ ಉಪಸ್ಥಿತರಿದ್ದರು.
ಗೆಳೆಯರ ಬಳಗದ ಗೌರವಾದ್ಯಕ್ಷ ಲಚ್ಚೇಂದ್ರ ಬೈಲೂರು ಹಾಗೂ ಅಧ್ಯಕ್ಷ ವಿಜಯ ಆ‌ರ್.ನಾಯಕ್‌ ಉಪಸ್ಥಿತರಿದ್ದರು. ಕವಿತಾ ಮನೋಜ್ ಮತ್ತು ಪ್ರಮೀಳಾ ಸುರೇಶ್‌ ಕಾರ್ಯಕ್ರಮವನ್ನು ನಿರೂಪಿಸಿ ವಂದಿಸಿದರು. ಸಮಾರೋಪ ಸಮಾರಂಭದಲ್ಲಿ ಜೀವವಿಮಾ ನಿಗಮದ ಅಧಿಕಾರಿ ಹರಿದಾಸ್ ಪ್ರಭು, ಗದ್ದಿಗೆ ದುರ್ಗಾಪರಮೇಶ್ವರಿ ದೇವಸ್ಥಾನದ ಅಧ್ಯಕ್ಷ ಉದಯ್ ದೇವಾಡಿಗ ಉಪಸ್ಥಿತರಿದ್ದರು. ಪ್ರಮುಖವಾಗಿ 70ಕ್ಕೂ ಹೆಚ್ಚು ಮಕ್ಕಳು ಸ್ಪರ್ಧೆಗೆ ನೊಂದಾವಣೆ ಆಗಿತ್ತು. ಭಾಗವಹಿಸಿದ ಎಲ್ಲಾ ಮಕ್ಕಳಿಗೆ ಪ್ರಮಾಣಪತ್ರ, ಸ್ಮರಣಿಕೆ ಹಾಗೂ ಬಹುಮಾನವನ್ನು ನೀಡಿ ಗೌರವಿಸಲಾಯಿತು.
