ಮಕ್ಕಳಲ್ಲಿ ನಾವು ಸಾಕ್ಷಾತ್ ಶ್ರೀಕೃಷ್ಣ ಪರಮಾತ್ಮನನ್ನು ಕಾಣುತ್ತೇವೆ: ಗಿರಿಜಾ ತಲ್ಲೂರು ಶಿವರಾಮ ಶೆಟ್ಟಿ

ಉಡುಪಿ: ಕಡೆಕಾರು ಚೈತನ್ಯ ಫೌಂಡೇಶನ್ ವತಿಯಿಂದ ಕಡೆಕಾರು ಗ್ರಾಮ ವ್ಯಾಪ್ತಿಯ ಮಕ್ಕಳಿಗೆ ಮುದ್ದು ಕೃಷ್ಣ ಸ್ಪರ್ಧೆ ಕಡೆಕಾರು ಬಿಲ್ಲವ ಸೇವಾ ಸಂಘದಲ್ಲಿ ಭಾನುವಾರ ನಡೆಯಿತು.

ಉಡುಪಿ ತಲ್ಲೂರು ಫ್ಯಾಮಿಲಿ ಟ್ರಸ್ಟ್ ನ ಗಿರಿಜಾ ತಲ್ಲೂರು ಶಿವರಾಮ ಶೆಟ್ಟಿ ಅವರು ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿ ಮಕ್ಕಳಲ್ಲಿ ನಾವು ಸಾಕ್ಷಾತ್ ಕೃಷ್ಣ ಪರಮಾತ್ಮನನ್ನು ಕಾಣುತ್ತೇವೆ, ಮಕ್ಕಳಿಗೆ ಕೃಷ್ಣನ ವೇಷ ಹಾಕುದೆಂದರೆ ತಾಯಂದಿರಿಗೆ ಬಹಳ ಖುಷಿ ಮತ್ತು ವಾರದಿಂದ ಇದಕ್ಕೆ ತಯಾರಿ ಮಾಡುತ್ತಾರೆ. ಅಷ್ಟಮಿಯ ಪ್ರಯುಕ್ತ ಚೈತನ್ಯ ಫೌಂಡೇಶನ್ ಮಕ್ಕಳಿಗೆ ಮುದ್ದು ಕೃಷ್ಣ ಸ್ಪರ್ಧೆಯನ್ನು ಏರ್ಪಡಿಸಿ ಮಕ್ಕಳಿಗೆ ಒಂದು ಉತ್ತಮ ವೇದಿಕೆ ನೀಡಿದೆ ಎಂದರು.

ಸ್ಪರ್ಧಾ ವಿಜೇತರು: 2-3 ವರುಷ ವಿಭಾಗದಲ್ಲಿ ತನಿಷ ಪ್ರಥಮ, ಮಾನ್ವಿ ಎಸ್ ದ್ವಿತೀಯ, ಶಾರ್ವರಿ ತೃತೀಯ ಬಹುಮಾನ
4-5 ವರುಷ ವಿಭಾಗದಲ್ಲಿ ಆರಾಧ್ಯ ಭಟ್ ಪ್ರಥಮ, ದಕ್ಷ ಡಿ ದೇವಾಡಿಗ ದ್ವಿತೀಯ, ಸಾನಿದ್ ರಾಜ್ ತೃತೀಯ ಬಹುಮಾನ ಪಡೆದರು.

ಮುಖ್ಯ ಅತಿಥಿಗಳಾಗಿ ಕಡೆಕಾರು ಗ್ರಾಮ ಪಂಚಾಯಿತ್ ಅಧ್ಯಕ್ಷರಾದ ಜಯಕರ್ ಶೇರಿಗಾರ್, ಗಿರಿಜಾ ಹೆಲ್ತ್ ಕೇರ್ & ಸರ್ಜಿಕಲ್ಸ್ ನ ರವೀಂದ್ರ ಶೆಟ್ಟಿ ಕೆ, ಲ.ಸುನೀಲ್ ಕುಮಾರ್ ಶೆಟ್ಟಿ, ಡಾ.ಉದಯ ಕುಮಾರ್ ಶೆಟ್ಟಿ ಉಪಸ್ಥಿತರಿದ್ದರು

ಚೈತನ್ಯ ಫೌಂಡೇಶನ್ ನ ಪ್ರವರ್ತಕರಾದ ಸುನೀಲ್ ಸಾಲ್ಯಾನ್ ಸ್ವಾಗತಿಸಿದರು. ಜತಿನ್ ಕಡೆಕಾರ್ ವಂದಿಸಿದರು, ಪ್ರತಾಪ್ ಉದ್ಯಾವರ ಹಾಗೂ ಪೂಜಾ ಶೆಟ್ಟಿ ಕಾರ್ಯಕ್ರಮ ನಿರೂಪಿಸಿದರು.