ಉಡುಪಿ ಜಿಲ್ಲಾ ಮಹಿಳಾ ಕಾಂಗ್ರೆಸ್: ಹಿರಿಯ ಸಾಹಿತಿಗೆ ಗೌರವಾರ್ಪಣೆ

ಉಡುಪಿ: ಸದ್ಭಾವನಾ ದಿನಾಚರಣೆಯ ಅಂಗವಾಗಿ ಉಡುಪಿ ಜಿಲ್ಲಾ ಮಹಿಳಾ ಕಾಂಗ್ರೆಸ್ ವತಿಯಿಂದ ಹಿರಿಯ ಸಾಹಿತಿ ಜಾನಕಿ ಎಂ.ಬ್ರಹ್ಮಾವರ ಅವರನ್ನು ಸನ್ಮಾನಿಸಲಾಯಿತು.

ಬ್ರಹ್ಮಾವರದಲ್ಲಿರುವ ಜಾನಕಿ ಅವರ ಮನೆಗೆ ತೆರಳಿದ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆ ಗೀತಾ ವಾಗ್ಳೆ ಮತ್ತು ಅವರ ತಂಡದ ಸದಸ್ಯರು ಜಾನಕಿ ಎಂ.ಬ್ರಹ್ಮಾವರ ಅವರನ್ನು ಅವರ ಮನೆಯಲ್ಲಿಯೇ ಗೌರವಿಸಿದರು.

ಆರಂಭದಲ್ಲಿ ಗೀತಾ ವಾಗ್ಳೆಯವರು ಪ್ರಾಸ್ತಾವಿಕ ನುಡಿಗಳನ್ನಾಡಿ ಸ್ವಾಗತಿಸಿದರು. ಈ ಸಂದರ್ಭದಲ್ಲಿ ಜಾನಕಿಯವರು ಎಲ್ಲರಿಗೂ ಕೃತಜ್ಞತೆ ಸಲ್ಲಿಸಿ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದ ಸರ್ವರಿಗೂ ತಾವು ಬರೆದ ಪ್ರವಾಸ ಕಥನವನ್ನು ಒಳಗೊಂಡ “ರಷ್ಯಾದಲ್ಲಿ ಏಳು ದಿನಗಳು”ಪುಸ್ತಕವನ್ನು ಉಡುಗೊರೆಯಾಗಿ ನೀಡಿದರು. ಈ ಸಂದರ್ಭದಲ್ಲಿ ಕೆಪಿಸಿಸಿ ವಕ್ತಾರರಾದ ವೆರೋನಿಕಾ ಕರ್ನೇಲಿಯೋ, ಜಿಲ್ಲಾ ಉಪಾಧ್ಯಕ್ಷೆ ಜ್ಯೋತಿ ಹೆಬ್ಬಾರ್, ಗೋಪಿ.ಕೆ.ನಾಯ್ಕ್, ಪ್ರಧಾನ ಕಾರ್ಯದರ್ಶಿಗಳಾದ ಮೀನಾಕ್ಷಿ ಮಾಧವ ಬನ್ನಂಜೆ, ಶಾಂತಿ ಪಿರೇರಾ,ಜೊತೆ ಕಾರ್ಯದರ್ಶಿಗಳಾದ ಶ್ರೀಮತಿ ಸರಸ್ವತಿ ನಾಯ್ಕ್, ಜೆಸಿಂತಾ ಬ್ರಹ್ಮಾವರ, ಜಯಶ್ರೀ ಶೇಟ್, ಶಶಿಕಲಾ, ವಿನುತಾ, ಜಾನಕಿ ಅವರ ಪತಿ ಸುಧಾಕರ ತೋನ್ಸೆ ಮುಂತಾದವರು ಉಪಸ್ಥಿತರಿದ್ದರು