ಉಡುಪಿ: ಡಿಡಿ ನ್ಯೂಸ್ ಹಿರಿಯ ವರದಿಗಾರ ಜಯಕರ್ ಸುವರ್ಣ ಇನ್ನಿಲ್ಲ

ಉಡುಪಿ: ದೂರದರ್ಶನ ಉಡುಪಿ ಜಿಲ್ಲಾ ವರದಿಗಾರ, ಕಲ್ಮಾಡಿ ನಿವಾಸಿ ಜಯಕರ್ ಸುವರ್ಣ(67) ಹೃದಯಾಘಾತದಿಂದ ಕಳೆದ ರಾತ್ರಿ ನಿಧನರಾಗಿದ್ದಾರೆ.

ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಮಾಜಿ ಅಧ್ಯಕ್ಷರಾಗಿ, ಮಲ್ಪೆ ಬಿಲ್ಲವ ಸಂಘ, ಎಸ್.ಕೆ.ಪಿ.ಎ. ಸಹಿತ ಹಲವಾರು ಸಂಘ ಸಂಸ್ಥೆಗಳಲ್ಲಿ ಸಕ್ರಿಯವಾಗಿ ಕಾರ್ಯನಿರ್ವಹಿಸಿದ್ದರು.

ಮೃತರು ಪತ್ನಿ, ಓರ್ವ ಪುತ್ರ ಹಾಗೂ ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.

ಜಯಕರ್ ಸುವರ್ಣ ಅವರ ಅಂತಿಮ ದರ್ಶನ ಬೆಳಿಗ್ಗೆ 10: 30ಕ್ಕೆ ಕಲ್ಮಾಡಿಯ ಅವರ ಮನೆಯಲ್ಲಿ (ಕಲ್ಮಾಡಿ ಸೇತುವೆ ಪಕ್ಕ ಮಲ್ಪೆ) ನಡೆಯಲಿದೆ.