ಕೊಡಿಬೆಟ್ಟು: 20ಲಕ್ಷ ರೂ.ಮೊತ್ತದ ವಿವಿಧ ಕಾಮಗಾರಿ- ಶಾಸಕ ಗುರ್ಮೆ ಸುರೇಶ್ ಶೆಟ್ಟಿ ಉದ್ಘಾಟನೆ

ಕಾಪು ವಿಧಾನಸಭಾ ಕ್ಷೇತ್ರದ ಕೊಡಿಬೆಟ್ಟು ಗ್ರಾಮ ಪಂಚಾಯತ್ ವ್ಯಾಪ್ತಿಯ ವಿವಿಧ ಕಾಮಗಾರಿಗೆ 20 ಲಕ್ಷ ರೂಪಾಯಿ ಅನುದಾನ ಮಂಜೂರಾಗಿ ಕಾಮಗಾರಿ ಪೂರ್ಣಗೊಂಡಿದ್ದು, ಈ ಕಾಮಗಾರಿಗಳನ್ನು ಇಂದು ಶಾಸಕರಾದ ಗುರ್ಮೆ ಸುರೇಶ್ ಶೆಟ್ಟಿ ಉದ್ಘಾಟಿಸಿದರು.

ಕೊಡಿಬೆಟ್ಟು ಗ್ರಾಮ ಪಂಚಾಯತ್ ವ್ಯಾಪ್ತಿಯ ಪೆರ್ಣಂಕಿಲ ನಾಲ್ಕು ಪಾಲು ಬಳಿ ಕಾಲುಸಂಕ ನಿರ್ಮಾಣ – 15 ಲಕ್ಷ, ಪೆರ್ಣಂಕಿಲ ಸರಕಾರಿ ಹಿರಿಯ ಪ್ರಾಥಮಿಕ ಶಾಲಾ ಶೌಚಾಲಯ ನಿರ್ಮಾಣ 5 ಲಕ್ಷ ಸೇರಿದಂತೆ ಒಟ್ಟು 20 ಲಕ್ಷ ರೂಪಾಯಿ ಮೊತ್ತದ ಕಾಮಗಾರಿಗಳನ್ನು ಉದ್ಘಾಟಿಸಿ ಬಳಿಕ ಪೆರ್ಣಂಕಿಲ ಜಡ್ಡು ಕೆರೆಗೆ ಬಾಗೀನ ಅರ್ಪಿಸಲಾಯಿತು.

ಈ ಸಂದರ್ಭದಲ್ಲಿ ಕೊಡಿಬೆಟ್ಟು ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಸಂದೀಪ್ ಮಡಿವಾಳ, ಕೊಡಿಬೆಟ್ಟು ಗ್ರಾಮ ಪಂಚಾಯತ್ ಸದಸ್ಯರಾದ ಸದಾನಂದ ಪ್ರಭು, ಅರುಣ್ ಕುಮಾರ್ ಶೆಟ್ಟಿ, ರಾಮ ನಾಯ್ಕ್ ಸ್ಥಳೀಯರಾದ ಸಂದೀಪ್ ನಾಯ್ಕ್, ರಮಾನಂದ ಪ್ರಭು, ವಸಂತ ಪ್ರಭು, ರಾಜೇಂದ್ರ ವಾಗ್ಲೆ, ಗಣೇಶ್ ಕಾಮತ್, ನಾಗಭೂಷಣ, ಸುಮತಿ ನಾಯಕ್, ಜಯಭಾರತಿ, ದಿವ್ಯಾ, ವಿದ್ಯಾ, ಪವಿತ್ರ ಉಪಸ್ಥಿತರಿದ್ದರು.