ಕಲ್ಸಂಕ: ಇಂದ್ರಾಣಿ ನದಿಗೆ ಬಿದ್ದ ರಿಕ್ಷಾ- ನಾಲ್ವರಿಗೆ ಗಾಯ
Oplus_131072
ಉಡುಪಿ, ಜೂ.23: ಉಡುಪಿ ಶ್ರೀಕೃಷ್ಣ ಮಠಕ್ಕೆ ಆಗಮಿಸಿದ ಯಾತ್ರಾರ್ಥಿಗಳು ಹೋಗುತ್ತಿದ್ದ ರಿಕ್ಷಾವೊಂದು ನಿಯಂತ್ರಣ ತಪ್ಪಿ ಇಂದ್ರಾಣಿ ನದಿಗೆ ಬಿದ್ದ ಪರಿಣಾಮ ನಾಲ್ವರು ಗಾಯಗೊಂಡ ಘಟನೆ ಇಂದು ಮಧ್ಯಾಹ್ನ ವೇಳೆ ನಗರದ ಕಲ್ಸಂಕ ಸಮೀಪ ನಡೆದಿದೆ.
ಸುಮಾರು ಏಳು ಮಂದಿ ಯಾತ್ರಾರ್ಥಿಗಳು ಮಠದಲ್ಲಿ ದರ್ಶನ ಪಡೆದು ಅಟೋ ರಿಕ್ಷಾದಲ್ಲಿ ಬನ್ನಂಜೆಯಲ್ಲಿರುವ ಕೆಎಸ್‌ಆರ್‌ಟಿ ಬಸ್ ನಿಲ್ದಾಣಕ್ಕೆ ತೆರಳುತ್ತಿದ್ದರು. ರಾಜಾಂಗಣ ಪಾರ್ಕಿಂಗ್‌ನಿಂದ ಕಲ್ಸಂಕ ಮಾರ್ಗವಾಗಿ ಹೋಗುತ್ತಿದ್ದ ರಿಕ್ಷಾ, ದಾರಿ ಮಧ್ಯೆ ಚಾಲಕನ ನಿಯಂತ್ರಣ ತಪ್ಪಿ ಸುಮಾರು ಏಳೆಂಟು ಅಡಿ ಆಳದ ಇಂದ್ರಾಣಿ ನದಿ ಹರಿಯುವ ತೋಡಿಗೆ ಬಿತ್ತೆನ್ನಲಾಗಿದೆ. ಇದರಿಂದ ರಿಕ್ಷಾ ಚಾಲಕ ಹಾಗೂ ಮೂವರು ಯಾತ್ರಾರ್ಥಿಗಳು ಗಾಯಗೊಂಡಿದ್ದಾರೆಂದು ತಿಳಿದುಬಂದಿದೆ.
