ಉಡುಪಿ: ಬಡಗುಬೆಟ್ಟು ದೈವಸ್ಥಾನದ ಕಾಣಿಕೆ ಡಬ್ಬಿ ಕಳವು

ಉಡುಪಿ, ಮೇ 13: ದೈವಸ್ಥಾನದ ಕಾಣಿಕೆ ಡಬ್ಬಿ ಒಡೆದು ಸಾವಿರಾರು ರೂ.ನಗದು ಕಳ್ಳತನ ಮಾಡಿದ ಘಟನೆ 76 ಬಡಗಬೆಟ್ಟು ಗ್ರಾಮದ ಬೈಲೂರಿನಲ್ಲಿರುವ ಶ್ರೀ ಧೂಮಾವತಿ ದೈವಸ್ಥಾನದಲ್ಲಿ ನಡೆದಿದೆ.

ಕಳ್ಳರು ಗರ್ಭಗುಡಿಯ ಬಾಗಿಲಿನ ಚಿಲಕವನ್ನು ಒಡೆದು, ಗರ್ಭಗುಡಿಯ ಒಳಗೆ ಇದ್ದ ಕಾಣಿಕೆ ಡಬ್ಬಿಯ ಚಿಲಕವನ್ನು ಒಡೆದು ಅದರಲ್ಲಿದ್ದ 50,000ರೂ. ನಗದು ಕಳವು ಮಾಡಿ ಕಾಣಿಕೆ ಡಬ್ಬಿಯನ್ನು ದೈವಸ್ಥಾನದ ಅಂಗಳದಲ್ಲಿರುವ ಬಾವಿಕಟ್ಟೆಯಲ್ಲಿ ಹಾಕಿ ಹೋಗಿದ್ದರು. ದೈವಸ್ಥಾನದ ಕಾರ್ಯದರ್ಶಿ ಅರುಣ್ ಅವರು ನೀಡಿದ ದೂರಿನಂತೆ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.