ಕಾರ್ಕಳ: ಪತ್ನಿ ಹಾಗೂ ಮಕ್ಕಳಿಬ್ಬರಿಗೆ ವಿಷ ಹಾಕಿ ಆತ್ಮಹತ್ಯೆಗೆ ಯತ್ನಿಸಿದ ಚಿನ್ನದ ಕೆಲಸಗಾರ
ಕಾರ್ಕಳ: ವಿಪರೀತ ಸಾಲ ಭಾದೆಯಿಂದ ಚಿನ್ನದ ಕೆಲಸಗಾರನೋರ್ವ ತನ್ನ ಪತ್ನಿ ಹಾಗೂ ಇಬ್ಬರ ಮಕ್ಕಳಿಗೆ ಜ್ಯೂಸ್‌ನಲ್ಲಿ ವಿಷ ಹಾಕಿ ತಾನೂ ಅದನ್ನು ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ನಕ್ರೆ ಬಳಿ ಕಳೆದ ರಾತ್ರಿ ನಡೆದಿದೆ.
ನಕ್ರೆಯ ಪ್ರಭಾಕರ್ ಆಚಾರ್ಯ (37) ಮಂಗಳವಾರ ರಾತ್ರಿ ಪತ್ನಿ ಹರಿಣಾಕ್ಷಿ(35) ಹಾಗೂ ತನ್ನ ಏಳು ವರ್ಷದ ಮಗಳು ಆರಾಧ್ಯ ಮತ್ತು ಐದು ವರ್ಷದ ಮಗ ಆಯುಷ್ ಎಂಬ ಮಕ್ಕಳಿಗೆ ಜ್ಯೂಸ್‌ನಲ್ಲಿ ಯಾವುದೋ ವಿಷ ಪದಾರ್ಥ ಹಾಕಿ ತಾನೂ ವಿಷವನ್ನು ಸೇವಿಸಿ ಆತ್ಮಹತ್ಯೆಗೆ ಯತ್ನಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಸದ್ಯ ನಾಲ್ವರು ಜೀವಪಾಯದಿಂದ ಪಾರಾಗಿದ್ದು, ಮಣಿಪಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ.
ಪ್ರಭಾಕರ್ ಅವರು ಇತ್ತೀಚೆಗಷ್ಟೇ ಹೊಸ ಮನೆ ನಿರ್ಮಿಸಿ ಅದರ ಗೃಹಪ್ರವೇಶ ನಡೆಸಿದ್ದರು. ಚಿನ್ನದ ಕೆಲಸಗಾರರಾದ ಇವರು ವಿಪರೀತ ಸಾಲ ಮಾಡಿದ್ದು, ಇದರಿಂದ ಹೊರ ಬರಲಾಗದೆ ಈ ದುಡಿಕಿನ ನಿರ್ಧಾರ ಕೈಗೊಂಡಿರುವ ಸಾಧ್ಯತೆ ಇದೆ ಎನ್ನಲಾಗಿದೆ.
ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗಿದೆ…
