ಉಡುಪಿ/ಹಿರಿಯಡ್ಕ: ಇಬ್ಬರು ಯುವಕರು ನಾಪತ್ತೆ
ಉಡುಪಿ, ನ.1: ಉಪ್ಪೂರು ನಿವಾಸಿ ತೀರ್ಥಂಕ (28) ಎಂಬವರು ಅ. 29 ರಂದು ಬೆಳಗ್ಗೆ ದಾವಣಗೆರೆಗೆ ಹೋಗಿ ಬರುವುದಾಗಿ ಹೇಳಿ ಬನ್ನಂಜೆಯಲ್ಲಿರುವ ಕೆಎಸ್‌ಆರ್‌ಟಿಸಿ ಬಸ್ ನಿಲ್ದಾಣದ ಬಳಿಯಿಂದ ಹೋದವರು ವಾಪಾಸು ಬಾರದೆ ನಾಪತ್ತೆಯಾಗಿದ್ದಾರೆ. ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇನ್ನೊಂದು ಪ್ರಕರಣದಲ್ಲಿ ಹಿರಿಯಡ್ಕ ಠಾಣಾ ವ್ಯಾಪ್ತಿಯ ಪೆರ್ಣಂಕಿಲ ನಿವಾಸಿ ಬಾಬು ಎಂಬವರ ಮಗ ಮಂಜುನಾಥ (25) ಅವರು ಅ.31ರಂದು ಮನೆಯಿಂದ ಹಿಡಿಯಡ್ಕ ಹೋಗುವುದಾಗಿ ಹೇಳಿ ಹೋದವರು ನಾಪತ್ತೆಯಾಗಿದ್ದಾರೆ. ಈ ಬಗ್ಗೆ ಹಿರಿಯಡ್ಕ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
