ಉದ್ಯಾವರ ಮನೆ ಕುಸಿತ: ಸಂಕಷ್ಟಕ್ಕೊಳಗಾದ ಕುಟುಂಬಕ್ಕೆ ಲಯನ್ಸ್ ನಿಂದ ನೆರವು
ಉದ್ಯಾವರ : ಭಾರೀ ಮಳೆ ಹಾಗೂ ನೆರೆಯ ಕಾರಣ ಮನೆ ಕುಸಿದು ಸಂಕಷ್ಟಕ್ಕೊಳಗಾದ ಉದ್ಯಾವರ ಪಿತ್ರೋಡಿಯ ಕಲಾಯಿಬೈಲ್ ನಿವಾಸಿಗಳಾದ ರಾಘು ಪೂಜಾರಿ, ಅವರ ಸಹೋದರಿ ಯಶೋದಾ ಪೂಜಾರಿ ಹಾಗೂ ಕುಟುಂಬಿಕರಿಗೆ ಲಯನ್ಸ್ ಕ್ಲಬ್ ಉಡುಪಿ, ಪ್ರಾಂತ್ಯ IV ಹಾಗೂ ಲಯನ್ಸ್ ಜಿಲ್ಲೆ 317ಸಿ ವತಿಯಿಂದ ಐದು ಸಾವಿರ ನಗದು ಹಾಗೂ ಹತ್ತು ಸಾವಿರ ರೂ. ಮೌಲ್ಯದ ಅಕ್ಕಿ ಮತ್ತಿತರ ದಿನಸಿ ಸಾಮಗ್ರಿಗಳನ್ನು ತುರ್ತು ಪರಿಹಾರವಾಗಿ ನೀಡಲಾಯಿತು.
ಲಯನ್ಸ್ ಜಿಲ್ಲಾ ಗವರ್ನರ್ ಎನ್.ಎಂ. ಹೆಗ್ಡೆ ಪರಿಹಾರದ ಚೆಕ್ಕನ್ನು ಹಸ್ತಾಂತರಿಸಿ, ಕುಟುಂಬಕ್ಕೆ ಧೈರ್ಯ ತುಂಬಿದರು. ಇದೇ ಸಂದರ್ಭದಲ್ಲಿ ಕಷ್ಟದಲ್ಲಿರುವ ಕುಟುಂಬಗಳಿಗೆ ಇತರ ಲಯನ್ಸ್ ಕ್ಲಬ್ಗಳು ಸ್ಪಂದಿಸಬೇಕೆಂದು ಮನವಿ ಮಾಡಿದರು.
ಪ್ರಾಂತ್ಯಾಧ್ಯಕ್ಷ ರಂಜನ್ ಕೆ., ವಲಯಾಧ್ಯಕ್ಷರಾದ ಗಂಗಾಧರ ಶೆಟ್ಟಿಗಾರ್, ಪಾದೆಮಠ ಶಂಕರ್ ಶೆಟ್ಟಿ, ಲಯನ್ಸ್ ಜಿಲ್ಲಾ ನೆರೆ ಪರಿಹಾರ ಟಾಸ್ಕ್ ಫೋರ್ಸ್‌ನ ಸಂಚಾಲಕ ರವಿರಾಜ ನಾಯಕ್, ಲಯನ್ಸ್ ಕ್ಲಬ್ ಉಡುಪಿ ಕಾರ್ಯದರ್ಶಿ ಅಲೆವೂರು ದಿನೇಶ್ ಕಿಣಿ, ಕೋಶಾಧಿಕಾರಿ ಲೂಯಿಸ್ ಲೋಬೊ ಮತ್ತಿತರರು ಉಪಸ್ಥಿತರಿದ್ದರು.
