ಅಮಾಸೆಬೈಲ್: ಅಕ್ರಮವಾಗಿ ಸಾಗಿಸುತ್ತಿದ್ದ 52 ಕೋಣಗಳ ರಕ್ಷಣೆ, ನಾಲ್ವರ ಬಂಧನ
ಕುಂದಾಪುರ:(ಉಡುಪಿಟೈಮ್ಸ್ ವರದಿ) ಅಮಾಸೆಬೈಲ್ ಠಾಣಾ ವ್ಯಾಪ್ತಿಯಲ್ಲಿ ಹೊಸಂಗಡಿ ಚೆಕ್ ಪೋಸ್ಟ್ ಬಳಿ ಅಕ್ರಮವಾಗಿ 52 ಕೋಣಗಳನ್ನು ಸಾಗಟ ಮಾಡುವುದನ್ನು ಪತ್ತೆ ಹಚ್ಚಿಲಾಗಿದ್ದು, ಘಟನೆಯಲ್ಲಿ ನಾಲ್ವರನ್ನು ಬಂಧಿಸಲಾಗಿದೆ.
ಮಂಗಳವಾರ ಬೆಳಿಗ್ಗೆ ಚೆಕ್ ಪೋಸ್ಟ್‌ನಲ್ಲಿ ಎರಡು ಲಾರಿಗಳನ್ನು ತಡೆದು ತಪಾಸಣೆ ನಡೆಸಿದ ಪೊಲೀಸರು ಒಂದು ಲಾರಿಯಲ್ಲಿ 24 ಕೋಣಗಳನ್ನು ಹಾಗೂ ಇನ್ನೊಂದು ಲಾರಿಯಲ್ಲಿ 28 ಕೋಣಗಳನ್ನು ಅಕ್ರಮವಾಗಿ ಸಾಗಿಸುತ್ತಿದ್ದನ್ನು ಪತ್ತೆ ಹಚ್ಚಿದ್ದಾರೆ.
ಈ ಅಕ್ರಮ ಜಾಣುವಾರುಗಳನ್ನು ಮೂಡುಬಿದ್ರೆಯ ಬೆಳುವಾಯಿ ಕಡೆಗೆ ಸಾಗಿಲಾಗುತ್ತಿದೆಂದು ಪ್ರಾಥಮಿಕ ತನಿಖೆಯಲ್ಲಿ ತಿಳಿದುಬಂದಿದೆ.
ಎರಡು ಲಾರಿಗಳಲ್ಲಿ ಒಟ್ಟು 52 ಜಾನುವಾರುಗಳ ರಕ್ಷಣೆ ಮಾಡಲಾಗಿದ್ದು, ಆರೋಪಿಗಳಾದ ದಾವಣಗೆರೆಯ ಮೆಹಬೂಬ್ ಮತ್ತು ಇಮ್ರಾನ್, ಬೈಲಹೊಂಗಲದ ಬಾಪು ಸಾಹೇಬ್, ಅಸಿಫ್ ಬಂಧಿತ ಆರೋಪಿಗಳು. ಅಮಾಸೆಬೈಲ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಮುಂದಿನ ತನಿಖೆ ನಡೆಸುತ್ತಿದ್ದಾರೆ.
