ಕೋಟ: ಆನ್ಲೈನ್‌‌ನಲ್ಲಿ ಕ್ರಿಕೆಟ್ ಬೆಟ್ಟಿಂಗ್- ಐವರು ಯುವಕರು ವಶಕ್ಕೆ
ಕೋಟ ಎ.9(ಉಡುಪಿ ಟೈಮ್ಸ್ ವರದಿ): ಸಾಲಿಗ್ರಾಮದಲ್ಲಿ ಆನ್ಲೈನ್ ನಲ್ಲಿ ಕ್ರಿಕೆಟ್ ಬೆಟ್ಟಿಂಗ್ ನಡೆಸುತ್ತಿದ್ದ ಐವರನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.
ಬ್ರಹ್ಮಾವರ ಪೊಲೀಸರು ರೌಂಡ್ಸ್ ಕರ್ತವ್ಯ ದಲ್ಲಿ ಇದ್ದ ವೇಳೆ ಸಾಲಿಗ್ರಾಮದ ಸರ್ವಿಸ್‌ ರಸ್ತೆಯಲ್ಲಿ ನಿಂತುಕೊಂಡು ಅನ್ಲೈನ್ ನಲ್ಲಿ ಕ್ರಿಕೆಟ್ ಬೆಟ್ಟಿಂಗ್ ನಡೆಸುತ್ತಾ ಇದ್ದ ಕುಂದಾಪುರದ ತೇಜಸ್ ಯಾನೆ ತೇಜ ಶೆಟ್ಟಿ( 25), ಕರ್ತವ್ಯ ಶೆಟ್ಟಿ (24), ಸುದರ್ಶನ ಶೆಟ್ಟಿ (26) ಪವನ್ ಶೆಟ್ಟಿ (25), ಪವನ್ ಕುಮಾರ್ ಶೆಟ್ಟಿ (26) ಎಂಬ ಐವರನ್ನು ವಶಕ್ಕೆ ಪಡೆದು ಜೂಜಾಟಕ್ಕೆ ಬಳಸಿದ 26,000 ರೂ. ನಗದು, 2 ಕಾರು ಹಾಗೂ 10 ಮೊಬೈಲ್ ನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಈ ಬಗ್ಗೆ ಕೋಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
