ಕೋಟ: ದ್ವಿಚಕ್ರ ಸವಾರನಿಗೆ ಹಲ್ಲೆಗೈದ ಬಸ್ ಚಾಲಕ
ಕೋಟ ಎ.9(ಉಡುಪಿ ಟೈಮ್ಸ್ ವರದಿ): ಮಣೂರು ಗ್ರಾಮದ ಇಂದ್ರಪ್ರಸ್ಥ ಹೋಟೇಲ್‌ ಬಳಿ ಕ್ಷುಲ್ಲಕ ಕಾರಣಕ್ಕೆ ಯುವಕನೋರ್ವನಿಗೆ ಹಲ್ಲೆ ನಡೆಸಿ ಬೆದರಿಕೆ ಹಾಕಿರುವ ಬಗ್ಗೆ ಕೋಟ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಈ ಬಗ್ಗೆ ಹಲ್ಲೆಗೊಳಗಾದ ಕುಂದಾಪುರದ ಕೂರ್ಗಿ ಗ್ರಾಮದ ದೇವೇಂದ್ರ ಶೆಟ್ಟಿ ಎಂಬವರು ಪೊಲೀಸರಿಗೆ ದೂರು ನೀಡಿದ್ದಾರೆ.
ಇವರು ತಮ್ಮ ದ್ವಿಚಕ್ರ ವಾಹನದಲ್ಲಿ ಉಡುಪಿ – ಕುಂದಾಪುರ ಮುಖ್ಯರಸ್ತೆಯಲ್ಲಿ ಮಣೂರು ಗ್ರಾಮದ ಹೋಟೇಲ್‌ ಒಂದರ ಬಳಿ ಹೋಗುವಾಗ ಉಡುಪಿಯಿಂದ ಕುಂದಾಪುರ ಕಡೆಗೆ ಹೋಗುತ್ತಿದ್ದ ಬಸ್‌‌‌‌‌‌‌‌‌‌‌ನ ಚಾಲಕ ಸುಕ್ರ ನಾಯ್ಕ ಎಂಬಾತನು ಹೋಟೇಲ್‌ ಎದುರು ಇವರ ದ್ವಿಚಕ್ರ ವಾಹನ ತಡೆದು ಹೊಡೆದು ಹಲ್ಲೆ ನಡೆಸಿದ್ದು ಮಾತ್ರವಲ್ಲದೆ ಅವಾಚ್ಯ ಶಬ್ದಗಳಿಂದ ಬೈದಿದ್ದಾರೆ ಎಂಬುದಾಗಿ ನೀಡಿದ ದೂರಿನಂತೆ ಕೋಟ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
