ಕುಂದಾಪುರ: ಗ್ಯಾರೇಜ್ ಎದುರು ನಿಲ್ಲಿಸಿದ್ದ ಟಿಪ್ಪರ್ ಲಾರಿ ಕಳವು

ಕುಂದಾಫುರ ಫೆ.28(ಉಡುಪಿ ಟೈಮ್ಸ್ ವರದಿ): ಬೀಜಾಡಿ ಗ್ರಾಮದಲ್ಲಿ ಗ್ಯಾರೇಜ್ ಎದುರು ನಿಲ್ಲಿಸಿದ್ದ ಟಿಪ್ಪರ್ ಲಾರಿ ಕಳವಾಗಿರುವ ಬಗ್ಗೆ ಕುಂದಾಪುರ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಕೋಟೇಶ್ವರ ಗ್ರಾಮದ ಉದಯ್‌ ಆಚಾರಿ ಅವರು ಈ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದು,  ಅವರ ಹೆಂಡತಿ  ಮಾಲತಿರವರು ಟಾಟಾ ಕಂಪನಿಯ GA 01 W 8950 ನೇ ಟಿಪ್ಪರ್ ಲಾರಿಯ ನೊಂದಣಿ ಮಾಲೀಕರಾಗಿದ್ದಾರೆ. ಈ ಟಿಪ್ಪರ್‌ ವಾಹನದಲ್ಲಿ ಗದಗ್‌ ನಿವಾಸಿ ಗುಲಾಮ್‌ ಹುಸೇನ್‌ ದಖನಿ ಎನ್ನುವವರು ಕಳೆದ 2 ವಾರಗಳಿಂದ ಚಾಲಕನಾಗಿ ಕೆಲಸ ಮಾಡಿಕೊಂಡಿದ್ದಾರೆ. ಫೆ.25 ರಂದು  ಸಂಜೆ ವೇಳೆ ವಾಹನದ ಚಾಲಕ ಬೀಜಾಡಿ ಗ್ರಾಮದಲ್ಲಿರುವ ಉದಯ್ ಆಚಾರಿ ಅವರ ಗ್ಯಾರೆಜ್ ನಲ್ಲಿ ವಾಹನವನ್ನು ನಿಲ್ಲಿಸಿ  ರಾತ್ರಿ ವರೆಗೆ ಗ್ಯಾರೆಜ್‌ ನಲ್ಲಿ ಕೆಲಸ ಮಾಡಿ ಮನೆಗೆ ಹೋಗಿದ್ದರು. ಫೆ.26 ರಂದು ಬೆಳಿಗ್ಗೆ 7 ಗಂಟೆಗೆ ಗ್ಯಾರೆಜ್‌ ಬಳಿ ಬಂದು ನೋಡಿದಾಗ ಟಿಪ್ಪರ್‌ ಲಾರಿಯು ಕಾಣೆಯಾಗಿರುವುದು ಗಮನಕ್ಕೆ ಬಂದಿದೆ. ಅಕ್ಕಪಕ್ಕದಲ್ಲಿ ಹುಡುಕಾಡಿ ಹಾಗೂ ಚಾಲಕನಲ್ಲಿ ವಿಚಾರಿಸಿದಾಗಲೂ ಪತ್ತೆಯಾಗಿರುವುದಿಲ್ಲ. ಅದರಂತೆ ಟಿಪ್ಪರ್ ವಾಹನವನ್ನು ಕಳ್ಳರು ಕಳವು ಮಾಡಿಕೊಂಡು ಹೊಗಿರುವ ಸಾದ್ಯತೆ ಇದೆ ಎಂಬುದಾಗಿ ನೀಡಿದ ದೂರಿನಂತೆ ಕುಂದಾಫುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.