ನಡುರಸ್ತೆಯಲ್ಲಿ ಹೊಡೆದಾಡಿಕೊಂಡ ಸಿಟಿ ಬಸ್‌ಗಳ ಚಾಲಕರು ಮತ್ತು ನಿರ್ವಾಹಕರು
ಟೈಮಿಂಗ್ ವಿಚಾರದಲ್ಲಿ ವಾಗ್ವಾದ ಮತ್ತು ಹೊಡೆದಾಡಿಕೊಳ್ಳುತ್ತಿದ್ದ ಎರಡು ಸಿಟಿ ಬಸ್‌ಗಳ ಚಾಲಕರು ಮತ್ತು ನಿರ್ವಾಹಕರನ್ನು ಉರ್ವ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ನಿನ್ನೆ ಬೆಳಗ್ಗೆ 6.50ಕ್ಕೆ ಅಶೋಕನಗರ ಶೇಡಿಗುರಿ ಬಸ್ ನಿಲ್ದಾಣ ಎದುರು ಎರಡು ಬಸ್‌ಗಳನ್ನು ಅಡ್ಡಾದಿಡ್ಡಿಯಾಗಿ ನಿಲ್ಲಿಸಿ ಚಾಲಕರಾದ ಸಾಗರ್, ವಿಶ್ಲೇಶ್, ನಿರ್ವಾಹಕರಾದ ಸುಧೀರ್, ಶ್ರೀಧರ್ ಪರಸ್ಪರ ಬೈದಾಡಿ ತಳ್ಳಾಟ ನಡೆಸಿ ಸಾರ್ವಜನಿಕರಿಗೆ ಕಿರಿಕಿರಿ ಉಂಟು ಮಾಡಿದ್ದರು. ಈ ಹಿನ್ನೆಲೆ ಬಸ್ ಮತ್ತು ಸಿಬ್ಬಂದಿಯನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
