ಉಡುಪಿ: ಕ್ಷುಲ್ಲಕ ಕಾರಣ ವ್ಯಕ್ತಿಗೆ ಹಲ್ಲೆಗೈದು ಜೀವ ಬೆದರಿಕೆ

ಉಡುಪಿ ಡಿ.19(ಉಡುಪಿ ಟೈಮ್ಸ್ ವರದಿ): ಇಲ್ಲಿನ ಬಲೈಪಾದೆ ಎಂಬಲ್ಲಿ ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯೊಬ್ಬರಿಗೆ ಅವಾಚ್ಯ ಶಬ್ದಗಳಿಂದ ಬೈದು ಜೀವ ಬೆದರಿಕೆ ಹಾಕಿರುವ ಬಗ್ಗೆ ಉಡುಪಿ ನಗರ ಠಾಣೆಯಲ್ಲಿ ದಾಖಲಾಗಿದೆ.

ಈ ಬಗ್ಗೆ ಚಾಲಕರಾಗಿ ವೃತ್ತಿ ಮಾಡಿಕೊಂಡಿರುವ ಕುತ್ಪಾಡಿ ಗ್ರಾಮದ ಅವಿನ್ ರವಿರಾಜ್ ಸೋನ್ಸ್ ಅವರು ಪೊಲೀಸರಿಗೆ ದೂರು ನೀಡಿದ್ದು, ಅದರಂತೆ ಅವಿನ್ ರವಿರಾಜ್ ಸೋನ್ಸ್ ಅವರಿಗೆ ಪಿತ್ರೋಡಿಯ ನಿಶಾಂತ್ ನೊಂದಿಗೆ ತಿಂಗಳ ಹಿಂದೆ ಜಗಳ ನಡೆದು ಮಾತುಕತೆ ನಿಲ್ಲಿಸಿದ್ದರು. ಅಲ್ಲದೆ ಮೊಬೈಲ್ ನಂಬರ್ ನ್ನು ಕೂಡಾ ಬ್ಲಾಕ್ ಮಾಡಿದ್ದರು. ಇದೇ ವಿಚಾರವಾಗಿ ಡಿ.17 ರಂದು ಬಲೈಪಾದೆಯ ವಿಜಯ ವೈನ್ಸ್ ಬಳಿ ಅವಿನ್ ರವಿರಾಜ್ ಸೋನ್ಸ್ ಅವರು ತಮ್ಮ ಸ್ನೇಹಿತ ಗಣೇಶ್ ಶೇರಿಗಾರ್ ಎಂಬವರೊಂದಿಗೆ ಮಾತನಾಡುತ್ತಿದ್ದ ವೇಳೆ ಅಲ್ಲಿಗೆ ಬಂದ ನಿಶಾಂತ್ ಅವಾಚ್ಯ ಶಬ್ದಗಳಿಂದ ಬೈದು ದೂಡಿದ್ದು, ಈ ವೇಳೆ ಗಲಾಟೆ ಬಿಡಿಸಲು ಬಂದ ಸ್ನೇಹಿತನಿಗೂ ಬೈದು ಜೀವ ಬೆದರಿಕೆ ಹಾಕಿದ್ದಾಗಿ ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ. 

ಈ ಬಗ್ಗೆ ಉಡುಪಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.