ಮಮ್ಮಿ ಡಿಜಿಟಲ್ ಸ್ಟುಡಿಯೋ: ಮಕ್ಕಳ ಫೋಟೋ ಸ್ಪರ್ಧೆ- 2022

ಉಡುಪಿ ಅ.31(ಉಡುಪಿ ಟೈಮ್ಸ್ ವರದಿ): ಮಮ್ಮಿ ಡಿಜಿಟಲ್ ಸ್ಟುಡಿಯೋ ಉದ್ಯಾವರ ಇವರ ನೇತೃತ್ವದಲ್ಲಿ ಲಯನ್ಸ್ ಕ್ಲಬ್ ಉದ್ಯಾವರ ಸನ್ ಶೈನ್ ಇದರ ಸಹಯೋಗದೊಂದಿಗೆ ಮಕ್ಕಳ ಫೋಟೋ ಸ್ಪರ್ಧೆ 2022 ಆಯೋಜಿಸಲಾಗಿದೆ.

ಈ ಸ್ಪರ್ಧೆಯಲ್ಲಿ ಉಡುಪಿ, ದ.ಕ. ಜಿಲ್ಲೆಯ ಮಕ್ಕಳಿಗೆ ಮಾತ್ರ ಭಾಗವಹಿಸಲು ಅವಕಾಶ ನೀಡಲಾಗಿದೆ. ಸ್ಪರ್ಧೆಯು 2 ವಿಭಾಗಗಳಲ್ಲಿ ನಡೆಯಲಿದ್ದು, 0-2 ವರ್ಷ ಮತ್ತು 2-5 ವರ್ಷದ ಮಕ್ಕಳ ಕಲರ್ ಫೋಟೋಗಳನ್ನು ಸ್ಪರ್ಧೆಗೆ ಆಹ್ವಾನಿಸಲಾಗಿದೆ. ಹಾಗೂ ಈ 2 ವಿಭಾಗಗಳಲ್ಲೂ ಪ್ರತ್ಯೇಕ ಬಹುಮಾನ ನೀಡಲಾಗುವುದು ಎಂದು ತಿಳಿಸಲಾಗಿದೆ.

ಈ ಸ್ಪರ್ಧೆಯಲ್ಲಿ ಭಾಗವಹಿಸಲು ಮಕ್ಕಳ ಸಹಜ ಆಕರ್ಷಕ ಭಂಗಿಯ ಕಲರ್ ಫೋಟೋಗಳನ್ನು ಕಳುಹಿಸಬೇಕಾಗಿದ್ದು, 69 ಅಳತೆಯ ಫೋಟೋಗಳನ್ನು ಆಯ್ಕೆಗೆ ಪರಿಗಣಿಸಲಾಗುವುದು. ಹಾಗೂ ಈ ಫೋಟೋಗಳ ಹಿಂಬದಿಯಲ್ಲಿ ಸ್ಪರ್ಧೆಯ ವಿಭಾಗ, ಮಗುವಿನ ಹೆಸರು, ಜನ್ಮ ದಿನಾಂಕ, ವಿಳಾಸ, ಮೊಬೈಲ್ ಸಂಖ್ಯೆಯನ್ನು ಸ್ಪಷ್ಟವಾಗಿ ಬರೆದಿರಬೇಕು. ಆದರೆ ಮೊಬೈಲ್ ನಲ್ಲಿ ತೆಗೆದ ಫೋಟೋವನ್ನು ಸ್ಪರ್ಧೆಗೆ ತೆಗೆದುಕೊಳ್ಳಲಾಗುವುದಿಲ್ಲ. ಸ್ಪರ್ಧೆಗೆ ಒಂದು ಮಗುವಿನ ವಿವಿಧ ಭಂಗಿಯ 2 ಫೋಟೋಗಳನ್ನು ಕಳುಹಿಸಲು ಅವಕಾಶವಿದ್ದು, ಪೋಸ್ಟ್ ನಲ್ಲಿ ಬಂದ ಫೋಟೋಗಳನ್ನು ಮಾತ್ರ ಸ್ವೀಕರಿಸಲಾಗುತ್ತದೆ. ಇತರ ಯಾವುದೇ ರೀತಿಯಿಂದ ಬಂದ ಫೋಟೋಗಳನ್ನು ಆಯ್ಕೆಗೆ ಪರಿಗಣಿಸಲಾಗುವುದಿಲ್ಲ. ಮಕ್ಕಳ ಫೋಟೋ ಗಳನ್ನು ನವೆಂಬರ್ 12 ರ ಒಳಗೆ ಸೂಚಿಸಿದ ವಿಳಾಸಕ್ಕೆ ಕಳುಹಿಸಬೇಕಾಗಿದ್ದು, ಫೋಟೋಗಳನ್ನು ಯಾವುದೇ ಕಾರಣಕ್ಕೂ ಮರಳಿಸಲಾಗುವುದಿಲ್ಲ. ತೀರ್ಪುಗಾರರ ತೀರ್ಮಾನವೇ ಅಂತಿಮವಾಗಿದ್ದು, ಸ್ಪರ್ಧೆಯ ಕುರಿತು ಯಾವುದೇ ರೀತಿಯ ಪತ್ರ ವ್ಯವಹಾರಕ್ಕೆ ಆಸ್ಪದ ವಿರುವುದಿಲ್ಲ. ವಿಜೇತರ ಹೆಸರು ಮತ್ತು ಚಿತ್ರವನ್ನು ಮಾಧ್ಯಮ ಪ್ರಾಯೋಜಕರಾದ ಡೈಜಿವಲ್ರ್ಡ್ ಮತ್ತು ಉಡುಪಿ ಟೈಮ್ಸ್ ಹಾಗೂ ಇತರ ಸೋಷಿಯಲ್ ಮಾಧ್ಯಮಗಳಲ್ಲಿ ನವೆಂಬರ್ 14 ರಂದು ಪ್ರಕಟಿಸಲಾಗುವುದು ಎಂದು ಆಯೋಜಕರು ತಿಳಿಸಿದ್ದಾರೆ.

ಈ ಸ್ಪರ್ಧೆಯಲ್ಲಿ ಭಗವಹಿಸಲು ಯಾವುದೇ ಪ್ರವೇಶ ಶುಲ್ಕ ಇರುವುದಿಲ್ಲ. ಸ್ಪರ್ಧೆಯಲ್ಲಿ ವಿಜೇತ ಮಕ್ಕಳಿಗೆ ಪ್ರಥಮ 3,333 ರೂ., ದ್ವಿತೀಯ 2,222 ರೂ., ತೃತೀಯ 1,111 ನಗದು ಬಹುಮಾನದೊಂದಿಗೆ ಶಾಶ್ವತ ಫಲಕವನ್ನ ನೀಡಲಾಗುತ್ತದೆ ಹಾಗೂ 3 ಆಕರ್ಷಕ ಸಮಾಧಾನಕರ ಬಹುಮಾನವನ್ನು ಕೂಡ ನೀಡಲಾಗುತ್ತಿದೆ. ಈ ಸ್ಪರ್ಧೆಯಲ್ಲಿ ಉಡುಪಿ ಟೈಮ್ಸ್ ಮೀಡಿಯಾ ಪಾಟ್ನರ್ ಆಗಿದೆ. ಮಕ್ಕಳ ಫೋಟೋಗಳನ್ನು ಕಳುಹಿಸಬೇಕಾದ ವಿಳಾಸ ಕೊರಂಗ್ರಪಾಡಿಯ ಶೇಶಾನಂದ ಕಾಂಪ್ಲೆಕ್ಸ್ ಮಮ್ಮಿ ಡಿಜಿಟಲ್ ಸ್ಟುಡಿಯೋ  ಉಡುಪಿ 574118 ಹಾಗೂ ಹೆಚ್ಚಿನ ಮಾಹಿತಿಗಾಗಿ 9743283089 ಅಥವಾ 9342709799 ಸಂಖ್ಯೆಯನ್ನು ಸಂಪರ್ಕಿಸುವಂತೆ ಸೂಚಿಸಲಾಗಿದೆ.