ಮಲ್ಪೆ: ಕೆಮ್ಮಣ್ಣು ನಿವಾಸಿ, ಮೆಡಿಕಲ್ ಶಾಪ್ ಉದ್ಯೋಗಿ ನಾಪತ್ತೆ

ಮಲ್ಪೆ ಅ.20(ಉಡುಪಿ ಟೈಮ್ಸ್ ವರದಿ): ಮಣಿಪಾಲದಲ್ಲಿ ಮೆಡಿಕಲ್ ಶಾಪ್ ಉದ್ಯೋಗಿಯಾಗಿರುವ ಮಲ್ಪೆಯ ಕೆಮ್ಮಣ್ಣು ನಿವಾಸಿ ಪ್ರವೀಣ್ ಬೆಲ್ಚಡ ಎಂಬವರು ಅ.19ರ ಮುಂಜಾನೆಯಿಂದ ನಾಪತ್ತೆಯಾಗಿದ್ದಾರೆ.

ಕೆಮ್ಮಣ್ಣು ನಿವಾಸಿ ಪ್ರವೀಣ್ ಅಮೀನ್ (44) ಅವರು ನಿನ್ನೆ ಬೆಳಿಗ್ಗೆಯಿಂದ ಮನೆಯಲ್ಲಿ ಕಾಣದೇ ಇದ್ದು ಅ.18ರ ರಾತ್ರಿಯಿಂದಲೇ ಅವರ ಸ್ಕೂಟರ್ ಸಮೇತ ನಾಪತ್ತೆಯಾಗಿದ್ದಾರೆ. ಇವರು ಮದುವೆಯಾಗಿ 6 ವರ್ಷವಾಗಿದ್ದು, ನಾಲ್ಕುವರೆ ವರ್ಷದ ಮಗಳಿದ್ದು, ಪತ್ನಿಯಿಂದ ದೂರವಾಗಿದ್ದ ಅವರು ಒಬ್ಬಂಟಿಯಾಗಿ ವಾಸವಾಗಿದ್ದರು.  

ಅ.18 ರಂದು ರಾತ್ರಿ ಪ್ರವೀಣ್ ಅವರ ಸಹೋದರಿ ಕರೆ ಮಾಡಿ ಊಟಕ್ಕೆ ಬರುವಂತೆ ಕೇಳಿದಾಗ ಪ್ರವೀಣ್ ಅವರು ಆದರೆ ಬರುತ್ತೇನೆ ಇಲ್ಲವಾದಲ್ಲಿ ಬೆಳಿಗ್ಗೆ ಬರುವುದಾಗಿ ತಿಳಿಸಿದ್ದರು. ಆದರೆ ಅ.19 ರಂದು ಬೆಳಿಗ್ಗೆ ಕರೆ ಮಾಡುವಾಗ ಅವರ ಮೊಬೈಲ್ ಸ್ವಿಚ್ ಆಫ್ ಆಗಿರುವುದು ಗಮನಕ್ಕೆ ಬಂದಿದೆ. ಆ ಬಳಿಕ ಅವರು ಮನೆಗೆ ಬಾರದ್ದೆ ಇದ್ದು ನಾಪತ್ತೆಯಾಗಿದ್ದು, ಇವರ ಬಗ್ಗೆ ಮಾಹಿತಿ ಸಿಕ್ಕಲ್ಲಿ 9900797897, 9164444199 ಸಂಖ್ಯೆಗೆ ಮಾಹಿತಿ ನೀಡುವಂತೆ ಸೂಚಿಸಲಾಗಿದೆ. ಈ ಬಗ್ಗೆ ಪ್ರವೀಣ್ ಅಮೀನ್ ಅವರ ದೊಡ್ಡಪ್ಪನ ಮಗ ಪ್ರಕಾಶ್ ಅವರು ನೀಡಿದ ದೂರಿನಂತೆ ಮಲ್ಪೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.