ದುಬೈ: ಬೈಕ್ ಅಪಘಾತ – ಬೆಳ್ತಂಗಡಿಯ ಯುವಕ ಫ್ಲೇವಿನ್ ಅವಿನ್ ಮೃತ್ಯು

ಬೆಳ್ತಂಗಡಿ, ಅ.16: ದುಬೈಯಲ್ಲಿ ನಡೆದ ಬೈಕ್ ಅಪಘಾತದಲ್ಲಿ ಕುವೆಟ್ಟು ಗ್ರಾಮದ ನಿವಾಸಿ ಯುವಕನೋರ್ವ ಮೃತಪಟ್ಟ ಘಟನೆ ಸಂಭವಿಸಿದೆ.

ಕುವೆಟ್ಟು ಶಾಲೆಯ ಬಳಿಯ ನಿವಾಸಿ ಫ್ಲೇವಿನ್ ಅವಿನ್ ರೋಡ್ರಿಗಸ್ ಮೃತಪಟ್ಟ ಯುವಕ.

ಸ್ಥಳೀಯ ನಿವಾಸಿಗಳಾದ ಸಿರಿಲ್ ಹಾಗೂ ಮೇರಿ ದಂಪತಿಯ ಪುತ್ರ ಫ್ಲೇವಿನ್ ಅವರು ಮಡಂತ್ಯಾರು ಕಾಲೇಜಿನಲ್ಲಿ ಶಿಕ್ಷಣ ಮುಗಿಸಿ ದುಬೈಗೆ ತೆರಳಿದ್ದರು. ಕೆಲಸ ಮುಗಿಸಿ ರೂಮಿಗೆ ಹಿಂತಿರುಗುತ್ತಿದ್ದ ವೇಳೆ ಬೈಕ್ ಅಪಘಾತ ಸಂಭವಿಸಿದ್ದು, ಗಂಭೀರ ಗಾಯಗೊಂಡ ಫ್ಲೇವಿನ್ ಅವರು ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.