ರಾಜ್ಯ ಅನುಮತಿ ಪಡೆದ ವಿದ್ಯುತ್ ಗುತ್ತಿಗೆದಾರರ ಸಂಘ- ಕಾರ್ಕಳ ತಾ. ಅಧ್ಯಕ್ಷರಾಗಿ ರಿಚಾರ್ಡ್ ಮಿರಾಂದ ಪುನರ್ ಆಯ್ಕೆ

ಕಾರ್ಕಳ: ಕರ್ನಾಟಕ ರಾಜ್ಯ ಅನುಮತಿ ಪಡೆದ ವಿದ್ಯುತ್ ಗುತ್ತಿಗೆದಾರರ ಸಂಘ ಬೆಂಗಳೂರು, ಕಾರ್ಕಳ ತಾಲೂಕು ಸಮಿತಿಯ ಮಹಾಸಭೆ ಹಾಗೂ ಪದಾಧಿಕಾರಿಗಳ ಆಯ್ಕೆಯು ಉಡುಪಿ ಜಿಲ್ಲಾ ವಿದ್ಯುತ್ ಗುತ್ತಿಗೆದಾರರ ಸಂಘದ ಅಧ್ಯಕ್ಷರಾದ ಶ್ರೀಕಾಂತ್ ಶೆಣೈ ರವರ ಅಧ್ಯಕ್ಷತೆಯಲ್ಲಿ ಕಾರ್ಕಳದ ವಿದ್ಯುತ್ ಗುತ್ತಿಗೆದಾರರ ಸಂಘದ ಕಛೇರಿಯಲ್ಲಿ ನಡೆಯಿತು.

ಈ ಸಭೆಯಲ್ಲಿ 2022-25 ನೇ ಸಾಲಿನ ಕಾರ್ಕಳ ತಾಲೂಕು ಸಮಿತಿಯ ಅಧ್ಯಕ್ಷರಾಗಿ ಮಿರಾಂದ ಇಲೆಕ್ಟ್ರಿಕಲ್ಸ್ ಕಾರ್ಕಳ ಇದರ ಮಾಲೀಕರಾದ ರಿಚಾರ್ಡ್ ಮಿರಾಂದ ಸತತ 3ನೇ ಬಾರಿ ಅವಿರೋಧವಾಗಿ ಆಯ್ಕೆಯಾಗಿರುತ್ತಾರೆ. ಗೌ.ಉಪಾಧ್ಯಕ್ಷ ಸ್ಥಾನಕ್ಕೆ ನಿತ್ಯಾನಂದ ಇಲೆಕ್ಟ್ರಿಕಲ್ಸ್ ಕಾರ್ಕಳ ಇದರ ಮಾಲೀಕರಾದ ನಿತ್ಯಾನಂದ ಭಂಡಾರಿ ಆಯ್ಕೆಯಾಗಿರುತ್ತಾರೆ

ಉಪಾಧ್ಯಕ್ಷ ಸ್ಥಾನಕ್ಕೆ ಪ್ರದೀಪ್ ಇಲೆಕ್ಟ್ರಿಕಲ್ಸ್ ಮಾಲೀಕರಾದ ಪ್ರದೀಪ್ ಉಪಾಧ್ಯಾಯ, ಕಾರ್ಯದರ್ಶಿ ಸ್ಥಾನಕ್ಕೆ ವಿವೇಕ್ ಇಲೆಕ್ಟ್ರಿಕಲ್ಸ್ ಬಜಗೋಳಿ ಇದರ ಮಾಲೀಕರಾದ ಅನಿಲ್ ಎಸ್ ಪೂಜಾರಿ ಆಯ್ಕೆಯಾಗಿರುತ್ತಾರೆ

ಜತೆ ಕಾರ್ಯದರ್ಶಿ ಸ್ಥಾನಕ್ಕೆ ಸಾಯಿ ಇಲೆಕ್ಟ್ರಿಕಲ್ಸ್ ಕಾರ್ಕಳ ಇದರ ಮಾಲೀಕರಾದ ಶಿವಾನಂದ ಕೆ.ಜಿ ಕೋಶಾಧಿಕಾರಿ ಸ್ಥಾನಕ್ಕೆ ಬೈಲೂರು ಇಲೆಕ್ಟ್ರಿಕಲ್ಸ್ ಬೈಲೂರು ಇದರ ಮಾಲೀಕರಾದ ಮನ್ಸೂರ್ ಅಹಮ್ಮದ್, ಕ್ರೀಡಾ ಕಾರ್ಯದರ್ಶಿ ಸ್ಥಾನಕ್ಕೆ ಬಾಲಾಜಿ ಇಲೆಕ್ಟ್ರಿಕಲ್ಸ್ ಕಾರ್ಕಳ ಮಾಲೀಕರಾದ ರತ್ನವರ್ಮ ಅಜ್ರಿ ಇವರು ಆಯ್ಕೆಯಾಗಿರುತ್ತಾರೆ.

ಕಾರ್ಯಕಾರಿಸಮಿತಿಗೆ ರತ್ನಾಕರ್ ಅಮೀನ್, ರಾಜೇಶ್ ಕೋಟ್ಯಾನ್, ಶಂಕರ್ ದೇವಾಡಿಗ, ಶುಭಕರ.ಕೆ, ಸುರೇಶ್ ಶೆಟ್ಟಿ, ಭಾಸ್ಕರ್ ಅಚಾರ್ಯ, ಸಿಂಥಿಯಾ ಕ್ಯಾಸ್ಟಲಿನೋ, ದಿನೇಶ್ ಭಂಡಾರಿ, ದಿನೇಶ್ ಕುಮಾರ್, ಲಕ್ಷ್ಮಣ್ ಸಿಂಗ್, ಸತ್ಯಕುಮಾರ್, ಹರೀಶ್ ಕುಂದರ್, ನಾರಾಯಣ್ ರಾವ್, ವಿನ್ಸೆಂಟ್ ಡಿಸೋಜ, ಸಂತೋಷ್ ಸೇರ್ವೆಗಾರ್ ಆಯ್ಕೆಯಾಗಿರುತ್ತಾರೆ.