ಅಲೆವೂರು: ಖ್ಯಾತ ಕುಶಲಕರ್ಮಿ ಬೆಳ್ಳಿ ನಾರಾಯಣ ಇನ್ನಿಲ್ಲ

ಉಡುಪಿ: (ಉಡುಪಿ ಟೈಮ್ಸ್ ವರದಿ)ಪ್ರಸಿದ್ಧ ಬೆಳ್ಳಿ ಕುಶಲಕರ್ಮಿ ಅಲೆವೂರು ರಾಂಪುರ ನಿವಾಸಿ ಬೆಳ್ಳಿ ನಾರಾಯಣ ಸೇರಿಗಾರ್ ಶನಿವಾರ ಮುಂಜಾನೆ ತಮ್ಮ ಮನೆಯಲ್ಲಿ ಹೃದಯಾಘಾತದಿಂದ ಮೃತ ಪಟ್ಟಿದ್ದಾರೆ.

ಅವಿಭಜಿತ ಜಿಲ್ಲೆಯಲ್ಲಿ ದೈವಸ್ಥಾನ, ದೇವಸ್ಥಾನಗಳ ಬೆಳ್ಳಿಯ ದೇವರ ಮೂರ್ತಿ, ತಾಮ್ರ, ಕಂಚಿನ ಭೂತಾರಾಧನೆ ಪರಿಕರಗಳನ್ನು ತಯಾರಿಸಿಕೊಡುವಲ್ಲಿ ಬಹಳ ಹೆಸರುವಾಸಿಗಿದ್ದರು.

ಸ್ಥಳೀಯ ಭಾಗದಲ್ಲಿ ಹಲವಾರು ಸಂಘ ಸಂಸ್ಥೆಗಳ ಪೋಷಕರು ಆಗಿರುವ ಇವರಿಗೆ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ಸಹಿತ ಹಲವಾರು ಪ್ರಶಸ್ತಿಗಳನ್ನು ಪಡೆದುಕೊಂಡಿದ್ದರು.

ಮೃತರು ಪತ್ನಿ, ಎರಡು ಗಂಡು, ಎರಡು ಹೆಣ್ಣು ಮಕ್ಕಳನ್ನು ಅಗಲಿದ್ದಾರೆ.