ಕುಂದಾಪುರ: 1.65ಲಕ್ಷ ರೂ.ಮೌಲ್ಯದ ಸೆಂಟ್ರಿಂಗ್ ಸೀಟು ಮತ್ತು ರಾಡ್ ಕಳ್ಳತನ

ಕುಂದಾಪುರ: ಕಟ್ಟಡ ನಿರ್ಮಾಣದ ಕೆಲಸಕ್ಕಾಗಿ ಜಾಗದಲ್ಲಿ ಹಾಕಿದ್ದ 125 ಕಬ್ಬಿಣದ ಸೆಂಟ್ರಿಂಗ್ ಸೀಟು ಮತ್ತು 500 ಕೆ.ಜಿ ಕಬ್ಬಿಣದ ರಾಡ್ ಅನ್ನು ಕಳ್ಳರು ಕದ್ದುಕೊಂಡು ಹೋಗಿರುವ ಘಟನೆ ಕುಂದಾಪುರ ತಾಲೂಕಿನ ಮೂಡುಗೋಪಾಡಿಯ ಅಶೋಕನಗರ ಎಂಬಲ್ಲಿ ಆ.31ರಂದು ಬೆಳಕಿಗೆ ಬಂದಿದೆ.
ಈ ಬಗ್ಗೆ ಕೋಣಿ ಗ್ರಾಮದ ಗಣಪತಿ ಎಂಬವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಇವರು ಸೆಂಟ್ರಿಂಗ್ ಗುತ್ತಿಗೆದಾರ ಕೆಲಸ ಮಾಡಿಕೊಂಡಿದ್ದು, ಆ.30ರಂದು ಮೂಡುಗೋಪಾಡಿಯ ಅಶೋಕನಗರ ಎಂಬಲ್ಲಿ ಕಟ್ಟಡ ನಿರ್ಮಾಣದ ಕೆಲಸಕ್ಕಾಗಿ 125 ಸೀಟು ಮತ್ತು 500 ಕೆ.ಜಿ ಕಬ್ಬಿಣದ ರಾಡು ಅನ್ನು ಜಾಗದಲ್ಲಿ ಇಟ್ಟುಹೋಗಿದ್ದರು. ಮರುದಿನ ಆ.31ರಂದು ಬೆಳಿಗ್ಗೆ ಬಂದು ನೋಡುವಾಗ ಕಬ್ಬಿಣದ ಸೀಟು ಹಾಗೂ ರಾಡ್ ಗಳನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದಾರೆ. ಕಳವಾದ ಕಬ್ಬಿಣದ ಸೀಟುಗಳ ಮೌಲ್ಯ 1,25 ಲಕ್ಷ ರೂಪಾಯಿ ಮತ್ತು ಕಬ್ಬಿಣದ ರಾಡುಗಳ ಮೌಲ್ಯ 40 ಸಾವಿರ ರೂಪಾಯಿ ಸಹಿತ ಒಟ್ಟು ಮೌಲ್ಯ 1,65 ಲಕ್ಷ ರೂಪಾಯಿ ಮಾಲ್ಯದ ಸ್ವತ್ತುಗಳು ಕಳವು ಆಗಿದೆ. ಈ ಬಗ್ಗೆ ಕುಂದಾಪುರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ‌.