ಉಡುಪಿ: 217 ಪಾಸಿಟಿವ್, 1233 ಜನರಲ್ಲಿ ನೆಗೆಟಿವ್ ದೃಢ, ಇಬ್ಬರ ಬಲಿ

ಉಡುಪಿ(ಉಡುಪಿ ಟೈಮ್ಸ್ ವರದಿ): ಜಿಲ್ಲೆಯಲ್ಲಿ ಇಂದು (ಆ 25 ) ರಂದು 217 ಜನಕ್ಕೆ ಕೊರೋನಾ ಸೋಂಕು ದೃಢವಾಗಿದ್ದು, 1233 ಜನರಲ್ಲಿ ನೆಗೆಟಿವ್ ಬಂದಿದೆ. ಹಾಗು ಇಬ್ಬರು ಸೋಂಕಿಗೆ ಬಲಿಯಾಗಿದ್ದಾರೆ. ಇದರೊಂದಿಗೆ ಜಿಲ್ಲೆಯಲ್ಲಿ ಕೊರೋನಾ ಸಾವಿನ ಸಂಖ್ಯೆ 91 ಕ್ಕೆ ಏರಿದೆ. ಉಡುಪಿ-122, ಕುಂದಾಪುರ-40, ಕಾರ್ಕಳ-51, ಬೇರೆ ಜಿಲ್ಲೆಯ ನಾಲ್ವರಿಗೆ ಸೋಂಕು ದೃಢವಾಗಿದೆ.

ಜಿಲ್ಲೆಯಲ್ಲಿ 10453 ಒಟ್ಟು ಸೋಂಕಿತರ ಸಂಖ್ಯೆ ಏರಿಕೆಯಾಗಿದೆ. ಇಂದು180 ಮಂದಿ ಡಿಸ್ಚಾರ್ಜ್ ಆಗಿದ್ದಾರೆ. ಜಿಲ್ಲೆಯಲ್ಲಿ ಈವರೆಗೆ ಒಟ್ಟು 7737 ಜನ ಗುಣಮುಖರಾಗಿದ್ದಾರೆ. 2625 ಸಕ್ರಿಯ ಪ್ರಕರಣಗಳಿವೆ. ಮರಣ ಹೊಂದಿದ ಇಬ್ಬರು ಕುಂದಾಪುರ ಮತ್ತು ಉಡುಪಿಯವರಾಗಿದ್ದಾರೆ.