ಬ್ರಹ್ಮಾವರ ಆದಿದ್ರಾವಿಡ ಸಹಕಾರ ಸಂಘ- ವನಮಹೋತ್ಸವ
ಬ್ರಹ್ಮಾವರ: ಆದಿದ್ರಾವಿಡ ಸಹಕಾರ ಸಂಘ ನಿಯಮಿತ ತೆಂಕು ಬಿರ್ತಿ ಬ್ರಹ್ಮಾವರ ಇವರ ವತಿಯಿಂದ ಇಂದು ಸಹಕಾರ ಸಂಘದ ಆವರಣದಲ್ಲಿ ವನಮಹೋತ್ಸವ ಆಚರಿಲಾಯಿತು.
ಬ್ರಹ್ಮಾವರ ವ್ಯವಸಾಯ ಸೇವಾ ಸಹಕಾರ ಸಂಘದ ನಿರ್ದೇಶಕ, ವಾರಂಬಳ್ಳಿ ಪಂಚಾಯತ್ ನ ಮಾಜಿ ಅಧ್ಯಕ್ಷ ರಾಜೇಶ್ ಶೆಟ್ಟಿ ಬಿರ್ತಿ ಗಿಡಗಳನ್ನು ಹಂಚುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ವಾರಂಬಳ್ಳಿ ಪಂಚಾಯತ್ ನ ಉಪಾಧ್ಯಕ್ಷರಾದ ದೇವಾನಂದ ನಾಯಕ್ ಗಿಡ ನೆಡುವ ಮೂಲಕ ವನಮಹೋತ್ಸವಕ್ಕೆ ಚಾಲನೆ ನೀಡಿದರು.
ವಾರಂಬಳ್ಳಿ ಪಂಚಾಯತ್ ನ ಮಾಜಿ ಅಧ್ಯಕ್ಷ ನಿತ್ಯಾನಂದ ಬಿ.ಆರ್. ಹಾಗೂ ಎಸ್. ನಾರಾಯಣ ಬಿರ್ತಿ ಆವರು ಉಪಸ್ಥಿತರಿದ್ದರು. ಆದಿದ್ರಾವಿಡ ಸಹಕಾರ ಸಂಘದ ಅಧ್ಯಕ್ಷರಾದ ಸುಧಾಕರ ಮಾಸ್ತರ್ ಗುಜ್ಜರ್ ಬೆಟ್ಟು ಸ್ವಾಗತಿಸಿದರು. ವನಮಹೋತ್ಸವ ಕಾರ್ಯಕ್ರಮದಲ್ಲಿ ದಲಿತ ಸಂಘರ್ಷ ಸಮಿತಿ ಜಿಲ್ಲಾ ಸಂಘಟನಾ ಸಂಚಾಲಕರಾದ ಶ್ಯಾಮರಾಜ್ ಬಿರ್ತಿ , ಬ್ಯಾಂಕ್ ಆಫ್ ಬರೋಡದ ವ್ಯವಸ್ಥಾಪಕರಾದ ಸುಬ್ರಹ್ಮಣ್ಯ ಪ್ರಸಾದ್, ನ್ಯಾಷನಲ್ ಇನ್ಶೂರೆನ್ಸ ಬೋಜರಾಜ್ ತಲ್ಲೂರು, ಕರ್ಣಾಟಕ ಬ್ಯಾಂಕಿನ ಬಿರ್ತಿ ಸುರೇಶ, ಅಂಚೆ ಕಛೇರಿಯ ಹರೀಶ್ಚಂದ್ರ ಕೆ.ಡಿ, ಕೆನರಾ ಬ್ಯಾಂಕಿನ ಶಿವಾನಂದ ಬಿರ್ತಿ, ಅನಿಲ್ ಕುಮಾರ್ ಬಿರ್ತಿ ಚೈತನ್ಯ ಕುಮಾರ್ ಬಿರ್ತಿ, ವಾರಂಬಳ್ಳಿ ಪಂಚಾಯತ್ ನ ಕಿಶನ್ ಕುಮಾರ್, ಜಗನ್ನಾಥ ಬಿರ್ತಿ ಉಪಸ್ಥಿತರಿದ್ದರು. ಆದಿದ್ರಾವಿಡ ಸಹಕಾರ ಸಂಘದ ಉಪಾಧ್ಯಕ್ಷ ಶ್ರೀವರ್ಣಾ ವಿಶ್ವನಾಥ್ ವಂದಿಸಿದರು.
