ಪುಳಿಮುಂಚಿ ತುಳು ಸಿನಿಮಾಕ್ಕೆ ಮುಹೂರ್ತ

ಮಂಗಳೂರು: ತ್ರಿಜಯ್ ಪ್ರೊಡಕ್ಷನ್ ಲಾಂಛನದಲ್ಲಿ ವಿಜಯಕುಮಾರ್ ಕೊಡಿಯಾಲ್ ಬೈಲ್ ಸಮರ್ಪಿಸುವ ತ್ರಿಶೂಲ್ ಶೆಟ್ಟಿ ನಿರ್ದೇಶನದ ಪುಳಿಮುಂಚಿ ತುಳು ಸಿನಿಮಾದ ಮುಹೂರ್ತ ಸಮಾರಂಭವು ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ದೇವಸ್ಥಾನದಲ್ಲಿ ಜರಗಿತು.

ಅಪರ ಜಿಲ್ಲಾಧಿಕಾರಿ ಕೃಷ್ಣಮೂರ್ತಿ ಮತ್ತು ಪ್ರೇಮ್ ಶೆಟ್ಟಿ ಮುಂಬೈ ಕ್ಲಾಪ್ ಮಾಡಿದರು. ನಿರ್ಮಾಪಕ ಪ್ರಕಾಶ್ ಪಾಂಡೇಶ್ವರ್ ಕ್ಯಾಮರ ಚಾಲನೆ ಮಾಡಿದರು.
ಮುಹೂರ್ತ ಸಮಾರಂಭದಲ್ಲಿ ಖ್ಯಾತ ನಿರ್ದೇಶಕರಾದ ವಿಜಯಕುಮಾರ್ ಕೊಡಿಯಾಲ್ ಬೈಲ್, ಪ್ರಕಾಶ್ ಪಾಂಡೇಶ್ವರ್, ನಿರ್ಮಾಪಕ ಆನಂದ ಕುಂಪಲ, ಪ್ರೇಮ್ ಶೆಟ್ಟಿ ಮುಂಬಯಿ, ಪಮ್ಮಿ ಕೊಡಿಯಾಲ್ ಬೈಲ್, ಮೋಹನ ಕೊಪ್ಪಲ, ಮೊಹಮ್ಮದ್ ಇಕ್ಬಾಲ್, ಮೇಘನಾಥ ಶೆಟ್ಟಿ, ಸೌಜನ್ಯ ಹೆಗ್ಡೆ, ಅರವಿಂದ ಬೋಳಾರ್, ಭೋಜರಾಜ ವಾಮಂಜೂರು, ವಿನಿತ್ ಕುಮಾರ್, ಸಚಿನ್ ಎ ಎಸ್ ಉಪ್ಪಿನಂಗಡಿ, ರಾಜೇಶ್ ಕುಡ್ಲ, ಗೋಕರ್ಣನಾಥ ದೇವಸ್ಥಾನದ ಕೋಶಾಧಿಕಾರಿ ಆರ್ ಪದ್ಮರಾಜ್, ಮೊದಲಾದವರಿದ್ದರು. ನಿರ್ದೇಶಕ ತ್ರಿಶೂಲ್ ಶೆಟ್ಟಿ, ನಿರ್ಮಾಪಕ ಹರಿಪ್ರಸಾದ್ ರೈ, ಉಪಸ್ಥಿತರಿದ್ದರು.

ಸಿನಿಮಾಕ್ಕೆ ಮುಹೂರ್ತ ನೆತವೇರಿದ್ದು, ಮುಂದಿನ ಸೆಪ್ಟಂಬರ್ ತಿಂಗಳಿನಿಂದ ಪುಳಿಮುಂಚಿ ತುಳು ಸಿನಿಮಾಕ್ಕೆ ತ್ರಿಶೂಲ್ ಶೆಟ್ಟಿ ನಿರ್ದೇಶನದಲ್ಲಿ ಒಂದೇ ಹಂತದಲ್ಲಿ ಚಿತ್ರೀಕರಣ ನಡೆಯಲಿದೆ.

ವಿಜಯಕುಮಾರ್ ಕೊಡಿಯಾಲ್ ಬೈಲ್ ಅವರ ಸಂಪೂರ್ಣ ಸಹಕಾರ ಈ ಚಿತ್ರ ತಂಡಕ್ಕಿದೆ.
ತಾರಾಬಳಗದಲ್ಲಿ ತುಳು ಚಿತ್ರರಂಗದ ಖ್ಯಾತ ನಾಮರಿದ್ದಾರೆ. ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಖ್ಯಾತಿಯ ನಾಯಕ ನಟ ವಿನಿತ್ ಕುಮಾರ್ ಪುಳಿಮುಂಚಿ ಸಿನಿಮಾದಲ್ಲಿ ನಾಯಕ ನಟನಾಗಿ ಅಭಿನಯಿಸುತ್ತಿದ್ದಾರೆ. ನಾಯಕಿಯರಾಗಿ ಸಮತಾ ಅಮೀನ್, ಆರಾಧ್ಯ ಶೆಟ್ಟಿ ಇದ್ದಾರೆ. ರಾಹುಲ್ ಅಮೀನ್, ಕುಸೇಲ್ದರಸೆ ನವೀನ್ ಡಿ ಪಡೀಲ್, ತುಳುನಾಡ ಮಾಣಿಕ್ಯ ಅರವಿಂದ ಬೋಳಾರ್, ನವರಸರಾಜೆ ಭೋಜರಾಜ ವಾಮಂಜೂರು, ಲಿಟ್ಲ್ ಸ್ಟಾರ್ ಸಾಯಿಕೃಷ್ಣ ಕುಡ್ಲ, ಮನೋಹರ ನಂದಳಿಕೆ ಮೊದಲಾದವರಿದ್ದಾರೆ.

ಸಿನಿಮಾಕ್ಕೆ ಕತೆ ಚಿತ್ರಕತೆ ನಿರ್ದೇಶನ: ತ್ರಿಶೂಲ್ ಶೆಟ್ಟಿ, ತಾನ್ಯ ಕ್ರಿಯೇಷನ್ಸ್, ದೇವಿ ಪ್ರಸಾದ್ ಸಹ ನಿರ್ಮಾಪಕರಾಗಿದ್ದಾರೆ. ಕ್ಯಾಮರಾ: ಮಯೂರ್ ಆರ್ ಶೆಟ್ಟಿ, ಸಂಗೀತ: ಕಿಶೋರ್ ಕುಮಾರ್ ಶೆಟ್ಟಿ, ಸಂಭಾಷಣೆ: ಡಿಬಿಸಿ ಶೇಖರ್, ಮ್ಯಾನೇಜರ್ ರಾಜೇಶ್ ಕುಡ್ಲ, ಕಾರ್ತಿಕ್ ರೈ ಪುತ್ತೂರು, ಡಿಸೈನ್ ದೇವಿ ರೈ, ಮೊದಲಾದವರಿದ್ದಾರೆ. ಸಿನಿಮಾಕ್ಕೆ ಮಂಗಳೂರು ಸುತ್ತಮುತ್ತ ಒಂದೇ ಹಂತದಲ್ಲಿ ಚಿತ್ರೀಕರಣ ನಡೆಯಲಿದೆ ಎಂದು ನಿರ್ದೇಶಕ ತ್ರಿಶೂಲ್ ಶೆಟ್ಟಿ ತಿಳಿಸಿದ್ದಾರೆ.

ತ್ರಿಶೂಲ್ ಪ್ರತಿಭಾವಂತ ಕಲಾವಿದ: ತ್ರಿಶೂಲ್ ಶೆಟ್ಟಿ ಅವರಿಗೆ ಸಿನಿಮಾದ ಬಗ್ಗೆ ವಿಶೇಷ ಆಸಕ್ತಿ. ಹಲವಾರು ಸಿನಿಮಾಗಳಲ್ಲಿ ಶ್ರದ್ದೆ ಭಕ್ತಿಯಿಂದ ಕೆಲಸ ಮಾಡಿದ್ದಾರೆ. ಕನ್ನಡದಲ್ಲಿ ಪೊರ್ಕಿ, ಗಲಾಟೆ, ಸಾಗರ್, ಗೂಗ್ಲಿ, ಗೋವಿಂದಾಯ ನಮಃ, ಬುಲ್ ಬುಲ್, ಪುಂಗಿದಾಸ, ತುಳುವಿನಲ್ಲಿ ಒರಿಯರ್ದೊರಿ ಅಸಲ್, ಮದಿಮೆ, ಪತ್ತನಾಜೆ, ಅರ್ಜುನ್ ವೆಡ್ಸ್ ಅಮೃತ ಮೊದಲಾದ ಸಿನಿಮಾಗಳಲ್ಲಿ ದುಡಿದಿದ್ದಾರೆ. ಎಂ.ಡಿ. ಶ್ರೀಧರ್ ಮತ್ತು ಪವನ್ ಒಡೆಯರ್ ಅವರೊಂದಿಗೆ ಸಹಾಯಕರಾಗಿ ಕೆಲಸ ಮಾಡಿದ್ದಾರೆ. ತ್ರಿಶೂಲ್ ನಿರ್ದೇಶನದ ಚೊಚ್ಚಲ ಸಿನಿಮಾ ಮಾಜೀ ಮುಖ್ಯಮಂತ್ರಿ ಸಿನಿಮಾ ಪೂರ್ತಿಗೊಂಡಿದ್ದು ಬಿಡುಗಡೆಯ ಹಂತದಲ್ಲಿದೆ. ಈಗ ಪುಳಿಮುಂಚಿ ಸಿನಿಮಾದ ನಿರ್ಮಾಣ ಮತ್ತು ನಿರ್ದೇಶನದ ಜವಾಬ್ದಾರಿ ವಹಿಸಿಕೊಂಡಿದ್ದಾರೆ.