ಹೆಬ್ರಿ: ವ್ತಕ್ತಿ ನಾಪತ್ತೆ

ಹೆಬ್ರಿ ಆ.23(ಉಡುಪಿ ಟೈಮ್ಸ್ ವರದಿ): ಚಾರಾ ಗ್ರಾಮದ ಗಾಂಧಿನಗರ ಎಂಬಲ್ಲಿಂದ ಕೃಷ್ಣಯ್ಯ ಆಚಾರ್ಯ ಎಂಬವರು ಆ.19 ರಂದು ನಾಪತ್ತೆಯಾಗಿದ್ದಾರೆ.

ಹೆಬ್ರಿಯ ಚಾರಾ ಗ್ರಾಮದ ಗಾಂಧಿನಗರದಲ್ಲಿ ವಾಸ ಮಾಡಿಕೊಂಡಿದ್ದ ಕೃಷ್ಣಯ್ಯ ಆಚಾರ್ಯ (65)  ಅವರಿಗೆ ನಾಲ್ಕೈದು ವರ್ಷಗಳಿಂದ ಮರೆವು ಕಾಯಿಲೆ ಇದ್ದು. ಅವರು ಈ ಹಿಂದೆ 2-3 ಬಾರಿ ಮನೆಯಿಂದ ಹೊರಗೆ ಹೋದವರು ಆ ದಿನವೇ ಸಂಜೆಯ ಸಮಯ ಮನೆಗೆ ವಾಪಾಸು ಬರುತ್ತಿದ್ದರು. ಆ.18 ರಂದು ಊಟ ಮಾಡಿ ಮಲಗಿದ್ದ ಅವರು ಮರುದಿನ ಬೆಳಿಗ್ಗೆ ಮನೆಯವರು ನೋಡಿದಾಗ ಕೃಷ್ಣಯ್ಯ ಆಚಾರ್ಯರು ಮನೆಯಲ್ಲಿ ಇಲ್ಲದೆ ಇರುವುದು ಗಮನಕ್ಕೆ ಬಂದಿದೆ. ಇವರನ್ನು ಎಲ್ಲಾ ಕಡೆಗಳಲ್ಲಿ ಹುಡುಕಾಡಿದರೂ ಅವರು ಎಲ್ಲೂ ಪತ್ತೆಯಾಗಿರುವುದಿಲ್ಲ. ಈಬಗ್ಗೆನಾಪತ್ತೆಯಾಗಿರುವವರ ಮಗ ನಾಗರಾಜ ಎಂಬವರು ನೀಡಿದ ದೂರಿನಂತೆ ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.