ಕಾಪು: ಭಜರಂಗದಳದ ಮುಖಂಡನ ಮನೆಗೆ ಬಂದ ಅಪರಿಚಿತರು- ಓರ್ವ ವಶಕ್ಕೆ
ಕಾಪು: ಹಿಂದೂ ಸಂಘಟನೆ ಮುಖಂಡರು, ಕಾರ್ಯಕರ್ತರು ದುಷ್ಕರ್ಮಿಗಳ ಟಾರ್ಗೆಟ್ ಆಗುತ್ತಿರುವ ಬೆನ್ನಲ್ಲೆ ಕಾಪು ಬಜರಂಗದಳದ ಸಂಚಾಲಕ ಸುಧೀರ್ ಸೋನಾ ಅವರ ಮನೆಗೆ ಆಯುಧದೊಂದಿಗೆ ಇಬ್ಬರು ದುಷ್ಕರ್ಮಿಗಳು ಬಂದ ಘಟನೆ ಕಾಪುವಿನಲ್ಲಿ ಇಂದು ನಡೆದಿದೆ.
ಈ ಬಗ್ಗೆ ಸುಧೀರ್ ಅವರು ಕಾಪು ಪೋಲಿಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಇಂದು ಬೆಳಿಗ್ಗೆ ಸುಧೀರ್ ಸೋನಾ ಅವರ ಮನೆಗೆ ಬಂದ ಇಬ್ಬರು ಅಪರಿಚಿತರು, “ಆಶಿಫ್” ಅವರು ನಿಮ್ಮ ಹತ್ತಿರ ಮಾತನಾಡಬೇಕೆಂದು ಕಾರಿನಲ್ಲಿ ಕಾಯುತ್ತಿದ್ದಾರೆ ಬನ್ನಿ ಎಂದು ಕರೆದಿದ್ದಾರೆ. ಕರೆಯಲು ಬಂದ ಇಬ್ಬರು ಅಪರಿಚಿತ ಯುವಕರ ಚಲನವಲನಗಳಿಂದ ಅನುಮಾನಗೊಂಡ ಸುಧೀರ್ ಮತ್ತು ಅವರ ಪತ್ನಿ ಬರುವುದಿಲ್ಲ ಎಂದು ಹೇಳಿ ಕಳುಹಿಸಿದ್ದಾರೆ. ಅಪರಿಚಿತರು ಹೋಗುವಾಗ ಅವರ ಬಳಿ ಇದ್ದ ಆಯುಧಗಳನ್ನು ಗಮನಿಸಿದ ಸುಧೀರ್ ಅವರು ಕೂಡಲೇ ಕಾಪು ಪೋಲಿಸರಿಗೆ ದೂರು ನೀಡಿದ್ದಾರೆ. ಕೂಡಲೇ ಕಾರ್ಯಪ್ರವತ್ತರಾದ ಕಾಪು ಪೋಲಿಸರು “ಆಶೀಫ್” ಎಂಬಾತನನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ ಎನ್ನಲಾಗಿದೆ.
